එම අධිකාරියේ සභාපති රජීව් සූරියආරච්චිට ඇමැතිවරයා මෙම උපදෙස් ලබා දී ඇත්තේ ඊයේ (16) උදෑසන මුද්‍රිත හා විද්‍යුත් මාධ්‍ය ඔස්සේ පළ වී තිබූ අදාළ පවුල ජීවත්වන නිවෙස සම්බන්ධයෙන් පළව තිබූ ප්‍රවෘත්ති වාර්තා සම්බන්ධයෙන් අවධානය යොමු වීමෙන් පසුවයි.
නිවාස සංවර්ධන අධිකාරියේ සභාපති පවසන්නේ මෙම පවුලට ස්ථිර නිවෙසක් ලබා දීමට කටයුතු කරන බවයි. දැනටමත් ඊට අදළ තොරතුරු වාර්තා ලබා දෙන ලෙස අනුරාධපුර දිස්ත්‍රික් කළමනාකරුට උපදෙස් ලබා දී ඇතැයි ද සභාපතිවරයා කියයි.
තුන් නිවුන් දරු උපතක් බිහි කළ මව සහ ඔහුගේ සැමියා ඇතුළු දරුවන් හබරණ පුවක්පිටිය ප්‍රදේශයේ මහා වන මැද පුංචි කටු මැටි ගැසූ පැලක දිවා කාලයේ ජීවත් වන අතර රාත්‍රිය ගසක් උඩ පැලක ජීවත් වන බව විද්‍යුත් හා මුද්‍රිත මාධ්‍ය ඔස්සේ ප්‍රචාරය වී තිබුණි.
