මුදල් අමාත්‍යාංශයේ සංවර්ධන මූල්‍ය දෙපාර්තමේන්තුව විසින් අදාළ වාර්තාව සකස් කරමින් පවතින අතර එම වාර්තාව ලබන සතිය වන විට තමා වෙත ලැබීමට නියමිත බව අමාත්‍යවරයා සඳහන් කළේය.
නොමිලේ සහල් ලබා දීම සිදු කළේ මෙරට වෙසෙන වඩාත් ම දිළිඳු පවුල් ඉලක්ක කරගෙන වන අතර අස්වැසුම ප්‍රතිලාභීන්ට එය අනිවාර්යයෙන්ම හිමි වන බව සේමසිංහ මහතා පැවසීය.
නමුත් අදාළ සහල් ලබා ගැනීම සඳහා එම ස්ථානවලට යාමේ අවශ්‍යතාව පවතින බැවින් කිසියම් පාර්ශ්වයක් වංචා සහගත ලෙස අස්වැසුම ලබා ගන්නේ නම් සිය අනන්‍යතාව හෙළිවේයැයි යන සැකය මත කිසිවකු එය ලබා ගැනීමට ඉදිරිපත් නොවූවේ නම් එය හඳුනා ගැනීම සඳහා මෙම වාර්තාව පහසුවක් වනු ඇති බවත් අමාත්‍යවරයා සඳහන් කරයි.
මේ අතර ඇතැම් ප්‍රදේශ වල නොමිලයේ ලැබෙන සහල් මල්ල ලැබිය යුතු කොටස් වලට ලබා නොදීමට ඇතැම් නිලධාරීන් කටයුතු කර ඇති බවටත් චෝදනා එල්ල වී ඇත. සහල් මළු ලැබිය යුතු අයගේ නම් ලැයිස්තු කොළඹින් සකසා එවන ඒවා බව කියමින් සහල් මළු ලබා නොදෙමින් රජය කෙරෙහි වැරදි මතයක් ප්‍රචාරය කරන මෙම නිලධාරීන් තමන්ගේ දේශපාලන වුවමණා එපාකම් මත කටයුතු කරමින් තිබීම සම්බන්ධයෙන්ද පැමිණිළි ලැබී ඇත.
