එම බන්ධනාගාර ප්‍රධාන පරිශ්‍රය සාප්පු සංකීරණයක්, කෞතුකාගාරයක් සහ සංචාරක හෝටලයක් ඇතුළත් වාණිජ ගොඩනැගිල්ලක් ලෙස සංවර්ධනය කිරීමට යෝජිත ය.
එමෙන්ම, වාස්තු විද්‍යාත්මක හා ඓතිහාසික වටිනාකම් ආරක්ෂා කරමින් එම කටයුතු සිදුකෙරෙන බව නාගරික සංවර්ධන අධිකාරියේ මධ්‍යම පළාත් අධ්‍යක්ෂ ඊ.එම්.එස්.බී ඒකනායක මහතා පැවසීය.
ඒ අනුව මේ සඳහා නාගරික සංවර්ධන අධිකාරිය සහ ශ්‍රී ලංකා ආයෝජන මණ්ඩලය එක්ව පෞද්ගලික ආයෝජකයෙකු තෝරාගෙන ඇත.
එයට අදාළ ඇස්තමේන්තු සකස් කිරීමේ ක්‍රියාවලිය ද මේ වනවිට සිදුවෙමින් පවතින බව ඒ මහතා සඳහන් කළේ ය.
වසර 138 ක් ක්‍රියාත්මක වූ බෝගම්බර බන්ධනාගාරය 2014 ජනවාරි මස 01 වනදා සිට වසා දැමීය.
ඉන් පසු එහි කටයුතු පල්ලේකැලේ නව බන්ධනාගාර පරිශ්‍රයට රැගෙනයාම සිදුවිය.
කෙසේ වෙතත්, මේ වන විට බෝගම්බර බන්ධනාගාරය මහජන ප්‍රදර්ශනය සඳහා පමණක් විවෘත කර ඇති අතර 2014 වසරේ දී එය සංවර්ධන කටයුතු සඳහා නාගරික සංවර්ධන අධිකාරියට පවරනු ලැබී ය.
-P.M
