මෙලෙස ඔහු පවසා සිටියේ මාධ්‍යවේදීන් ඇසු ප්‍රශ්නවල පිළිතුරු ලබා දෙමිනි. එහි දී රාජපක්ෂවරුන් ප්‍රමුඛ ආණ්ඩුවක් නිර්මාණය කරන බවට සිදු වන දේශපාලන සංවාද සම්බන්ධයෙන් මාධ්‍යවේදීන් නැගු පැනයක දී රාජිත සේනාරත්න පවසා සිටියේ රාජපක්ෂ පාලනය අවසන් වී ඇති බවයි.
"වර්තමාන දේශපාලනය තීරණය වෙන්නේ ආර්ථිකය මත. වෙනදා වගේ ආගම ජාතිය ගැන කතා කරලා වැඩක් නැහැ. මෙරටේ ආර්ථිකය සහ සංවර්ධනය. මේක ගොඩගන්න පුළුවන් කුමන පක්ෂයකට ද කාටද කියන එක. මේක 1977 මැතිවරණය වගේ තමයි. 77 මැතිවරණයත් ආර්ථිකය මත සටන් වැදුණ මැතිවරණයක්. ඒ වගේ තත්තවයක් රටට ඇතිවෙලා තියෙන්නේ. පොහොට්ටුව කොහොමත් ජනාධිපතිවරණයට එන්නේ නැහැ. ඒ ගොල්ලෝ අන්තීමට රනිල් වික්‍රමසිංහට සහයෝගය දෙයි.'' යනුවෙනි.
රාජිත සේනාරත්න රනිල්ට දක්වන සහය පිළිබද විමසා සිටියදී ඔහු පවසා සිටියේ එය පසුවට පවසන බවත් රාජපක්ෂලා දැන් නොඑන බව සහ ඔහු විශ්‍රාම යන බවත් ය. එමෙන්ම ඔහු පවසා සිටියේ චමල් රාජපක්ෂත් විශ්‍රාම යන බව ය.
නාමල් රාජපක්ෂ විසින් රනිල් වික්‍රමසිංහ ජනාධිපතිවරයා හට විරුද්ධ මතවාද එල්ල කරමින් සිටින බවත් පොහොට්ටුවේ සියයට 90ක් පමණ රාජපක්ෂ ආණ්ඩුවක් නිර්මාණය කරන තත්වයක නොමැති බව ද රාජිත සේනාරත්න පැවසීය.
