ආරියරත්න මැතිතුමන්ගේ දර්ශනය යහපත් ශ්‍රී ලංකාවක් සඳහා මඟ සළකුණක්

Published in පුවත්
Wednesday, 17 April 2024 17:28

ආචාර්ය ඒ්. ටී. ආරියරත්න මැතිතුමන්ගේ දර්ශනය යහපත් ශ්‍රී ලංකාවක් සඳහා මඟ සළකුණු දක්වනු ඇති බව සාධාරණ සමාජයක් සඳහා වන ජාතික ව්‍යාපාරය මාධ්‍ය නිවේදනයක් නිකුත් කරමින් කියා සිටී.

එම නිවේදනයේ වැඩිදුරටත් සඳහන් වන්නේ, පෙරදිග සාර දර්ශනයන් පදනම් කරගනිමින් මානව වර්ගවයාගේ සුබ සෙත අරමුණු කරගත් සමස්ත ලෝකයෙහිම ගෞරවයට පාත්‍ර වූ සමාජ ව්‍යාපාරයකට නායකත්වය දුන් ශ්‍රී ලාංකික සුජාත පුත්‍රයෙකු වූ ශ්‍රී ලංකාභිමාන්‍ය, ආචාර්ය ඒ්. ටී. ආරියරත්න මැතිතුමාගේ අභාවය අප තුළ මහත් සංවේගයක් ඇති කරවූ බවයි.
මහත්මා ගාන්ධිතුමන්ගේ අධ්‍යාත්මික හා දාර්ශනික උරුමය ඉදිරියට ගෙන ආ විනෝබා බාවේ තුමන්ගේ පරහිතකාමි දැක්මෙන් උත්තේජනය ලද ශ්‍රී ලාංකේය තරුණයකු තුළ හටගත් අධිෂ්ඨානයක ප්‍රතිඵලයක් ලෙස සර්වෝදය ව්‍යාපාරය බිහි විය. මානව ගරුත්වය හා සාර සමාජයක් සඳහා වන නිවහල් දැක්මකින් පොහොසත් සර්වෝදය ව්‍යාපාරයේ දර්ශනය රටට හඳුන්වා දෙමින් හා ඒ් අනුව තම ජීවිත කාලය පුරාම කටයුතු කරමින් ආරියරත්න මැතිතුමා ශ්‍රී ලංකා සමාජයට සිදු කර ඇති සේවය අනගිභවනීය වන්නේය. එමෙන්ම එතුමන්ගේ දර්ශනය අනාගත යහපත් ශ්‍රී ලංකාවක් පිළිබඳ අභිප්‍රායකින් යුතුව කටයුතු කරන ලාංකේය සුධීමතුන්ට බොහෝ මඟ ලකුණු දක්වනු ඇතැයි අපගේ බලවත් විශ්වාසයයි.
ශ්‍රී ලංකාභිමාන්‍ය, ආචාර්ය ඒ්. ටී. ආරියරත්න මැතිතුමාගේ අභාවය හේතුවෙන් බලවත් සංවේගයට පත්ව සිටින ශ්‍රී ලාංකික ජන සමුහය සමඟ එක් වන සාධාරණ සමාජයක් සඳහා වන ජාතික ව්‍යාපාරය එතුමන්ගේ ආදරණීය භාර්යාව වන නීතා ආරියරත්න මැතිණියට ද විශේෂඥ වෛද්‍ය වින්‍යා ආරියරත්න, චාරිකා, ජීවන්, සදීවා, දියත්, නිම්නා යන දූ දරුවන් ඇතුළු පවුලේ සැම වෙත ද අපගේ බලවත් ශෝකය පළ කරන අතර එතුමන්ට අමා මහ නිවන් සුව අත්වේවායි! ප්‍රාර්ථනා කරන්නෙමු.

Leave a comment

ld add copy

Gossip

රෝහලේ සිට රනිල් ගහපු ගේම

රෝහලේ සිට රනිල් ගහපු ගේම

මේ සතියේ ලංකාවේ මෙන්ම විදෙස් දේශපාලන ලෝකයේ වැඩිපුරම කතා බහට ලක් වූ චරිතය වන්නේ රනිල්ය.රනිල් වෙනස කතා...

හරිනි මැදියම් රැයේ මෛත්‍රී එක්ක රනිල් බලන්න ඇවිත්!

හරිනි මැදියම් රැයේ මෛත්‍රී එක්ක රනිල් බලන්න ඇවිත්!

හිටපු ජනපති රනිල් වික්‍රමසිංහගේ සුව දුක් බැලීමට ඊයේ ( 24) රෑ මැදියම පසු වී අළුයම් කාලයේ අග්‍රාමාත්‍ය...

මහින්ද කුලී නිවෙසක් සොයයි

මහින්ද කුලී නිවෙසක් සොයයි

හිටපු ජනපති මහින්ද රාජපක්ෂගේ විජේරාමයේ පිහිටා තිබූ නිල නිවස පිළිබඳව පසුගිය කාල සීමාවේ බොහෝ දෙනෙක් ගේ...

ප්‍රියමාලි ගැන ගතු කිව්ව අයටත් නඩු වැටෙන හැඩ.  ඩුබායි වලින් සුරංගිවත් ගෙන්වයි ?   

ප්‍රියමාලි ගැන ගතු කිව්ව අයටත් නඩු වැටෙන හැඩ. ඩුබායි වලින් සුරංගිවත් ගෙන්වයි ?  

ව්‍යාපාර සඳහා ආයෝජනය කරන බව පවසමින්, ප්‍රසිද්ධ ව්‍යාපාරිකයන් ඇතුළු ප්‍රසිද්ධ පුද්ගලයන්ගෙන් රුපියල් ම...

Connet With Us