හම්බන්තොට දිස්ත්‍රික්කයේ උතුරු ගිරුවාපත්තුවේ ගැටමාන්න, වත්තේහේන වලව්වේ දී 1921 වසරේ ජූනි මස 27 දා මෙලොව එළිය දුටු ඒ මහතා 1948 වසරේ සිට රජයේ අධිනීතිඥයකු ලෙසින් පත්වූ අතර පසුව 1963 වසරේ දී පාර්ලිමේන්තු මහලේකම්වරයා ලෙසද 1978 වසරේ දී පාර්ලිමේන්තු මහ කොමසාරිස්‌ ලෙසද කටයුතු කළේය.

එයින් අනතුරු සෑම් විජේසිංහ මහතා විවෘත විශ්වවිද්‍යාලයේ කුලපතිවරයා ලෙසින් සේවය කළ අතර මේ රටේ ප්‍රජාතන්ත්‍රවාදය මූර්තිමත් කිරීමෙහි ලා විශාලා දායකත්වයක්‌ සැපයූ, අගතිගාමි තීන්දුවලට කිසිදා නොඑළඹුන සාධාරණත්වය සඳහා තම සේවය සැමදා කැපකළ පුද්ගලයෙකු වශයෙන් ප්‍රසිද්ධියට පත්විය.

මිය යනවිට 93 වැනි වියේ පසු වු ඒ මහතාගේ අවසන් කටයුතු අද (1) පස්වරුවේ බොරැල්ල පොදු සුසාන භූමියේ දී සිදු කෙරේ.

අභාවප්‍රාප්ත සෑම් විජේසිංහ මහතා පාර්ලිමේන්තු මන්ත්‍රී රජීව විජේසිංහ මහතාගේ ආදරණීය පියාණන් ද වෙයි.