පුද්ගලයින් අත්අඩංගුවට ගැනීමේදී පොලිසිය විසින් සිදුකර ඇති පහරදීම් 14 ක් ගැනත් පරීක්ෂා කිරීම්වලදී අපහසුතාවට ලක්කිරීම් පිළිබඳ පැමිණිලි දෙකක්ද මේ අතර තිබෙන බව කොමසාරිස්වරයා කීවේය.
ඇතැම් කාන්තාවන් රාත්‍රි නිදන ඇඳුම් ද සමගින් පොලිස් ස්ථානවලට රැගෙන ගොස් තිබෙන බවත් මේ සම්බන්ධයෙන් පොලිස්පතිවරයාද දැනුවත් කර තිබෙන බවත් කී කොමසාරිස්වරයා මේ විමර්ශන අවසන් කර අදාළ නිලධාරීන් වරදක් කර ඇත්නම් නිර්දේශ ද සමගින් පොලිස්පතිවරයා වෙත යොමුකරන බවද කියා සිටියේය.
යුක්තිය මෙහෙයුම මත්ද්‍රව්‍ය ව්‍යවසනය මැඩලීමට හොඳ පියවර වුවත් පොලිසිය යුක්තිය මුවාවෙන් සිදුකරනු ලබන අකටයුතුකම් හා මානව හිමිකම් කඩකිරීම් ගැන නිරන්තරයෙන් වාර්තා වන බවත් මේ සම්බන්ධයෙන් පොලිස්පතිවරයාද කැඳවා කරුණු පැහැදිලි කර දුන් බවත් ඔහු කියා සිටියේය.
ශ්‍රීලංකා මානව හිමිකම් කොමිෂන් සභාව විසින් ඊයේ (03වැනිදා) කොළඹ පදනම් ආයතනයේදී කැඳවූ මාධ්‍ය හමුවට එක්වෙමින් කොමසාරිස්වරයා මේ බව කියා සිටියේය.
-P.M
