ඌව පළාත් සභා මැතිවරණයේ මෙහෙයුම් කටයුතු සම්බන්ධයෙන් පක්ෂ නායකයින් සහ අපේක්ෂකයින් අතර සාකච්ඡා කිහිපයක් පසුගියදා පැවති අතර ඊයේ දිනයේද එවැනි සාකච්ඡාවක් පැවැත්විණ.
මෙම සාකච්ඡාවලදී සජිත් පේ‍්‍රමදාස මන්ත‍්‍රීවරයාට ඌව පළාත් සභා එක්සත් ජාතික පක්ෂ අපේක්ෂකයින් දැඩි ලෙස චෝදනා එල්ල කර ඇති බව පක්ෂ ආරංචි මාර්ග වාර්තා කරයි.
මොණරාගල දිස්ත‍්‍රික්කය සහ බදුල්ල දිස්ත‍්‍රික්කයේ මේ වනතෙක් පැවති කිසිදු මැතිවරණ ප‍්‍රචාරක කටයුත්තකට සජිත් පේ‍්‍රමදාස මන්ත‍්‍රීවරයා සහභාගි වී නොමැත.
විශේෂයෙන් මොණරාගල දිස්ත‍්‍රික්කයේ පැවති රැස්වීම් කිහිපයකට සජිත් පේ‍්‍රමදාස මන්ත‍්‍රීවරයාට අපේක්ෂකයින් විසින් ආරාධනා කර තිබුණද ඔහු ඊට සහභාගි වී නොමැති බවට වාර්තාවේ.
ඌව පළාත් සභා මැතිවරණ මෙහෙයුම් කටයුතු සඳහා පත් කර ඇති පක්ෂයේ කථික ලැයිස්තුවේ සජිත් පේ‍්‍රමදාස මන්ත‍්‍රිවරයාගේ නම ඇතුළත්ව තිබියදී ඔහු මෙලෙස මැතිවරණ කටයුතු මගහැර ඇති බවට අපේක්ෂකයන් විසින් පැමිණිලි ඉදිරිපත් කර ඇත.
(නෙත් එෆ් එම්)
