දියේ ගිලීමෙන් අභිරහස් ලෙස මිය ගිය එම තරුණියගේ සිරුර ඕස්ටේ‍්‍රලියාවේ සිඞ්නි නුවර පිහිටි කුඩා ඇලකින් සොයාගෙන ඇත.
තොරතුරු තාක්ෂණ උපාධිධාරිනියක් වන අමීෂා රාජපක්ෂ නැමැති ඇයගේ මරණය, ඝාතනයක් ද යන්න මෙතෙක් අනාවරණ වී නොමැත.
ඕස්ටේ‍්‍රලියානු පොලීසිය සඳහන් කළේ ඇගේ සිරුර සොයා ගන්නා අවස්ථාවේදී ගෙල වටා සළුවක් ගැට ගසා තිබූ බවයි.
ඕස්ටේ‍්‍රලියානු වාර්තාවලට අනුව 31 හැවිරිදි අමීෂා රාජපක්ෂගේ නිවස පිහිටා ඇත්තේ බටහිර සිඞ්නි ප‍්‍රදේශයේ ඇබ්සර්ලූට් වෝටර්ෆ‍්‍රන්ට් නම් මහල් නිවාස සංකීර්ණය තුළය.
පසුගිය අඟහරුවාදා රාත‍්‍රී 7.00ට පමණ ඇය වෙළදසැලකට යාම සඳහා නිවසින් පිටව ගොස් තිබේ. ඇය යළි නොපැමිණි නිසා මිය ගිය අමීෂාගේ පියා සහ සහෝදරයා අමීෂා සෙවීමට කටයුතු කර ඇත්තේ ඉන් අනතුරුවය.
කෙසේ වෙතත්, පසුදින උදෑසන 7.30ට පමණ නිවස ආසන්නයේ ඇති කුඩා ඇලකින් ඇයගේ සිරුර හමුවී ඇති බව එරට පොලීසිය සදහන් කළේය. 2009 වසරේ ඇය ඕස්ටේ‍්‍රලියාවට පදිංචියට ගොස් ඇත්තේ තොරතුරු තාක්ෂණ උපාධියක් හැදැරීම සඳහාය.
වීඩියෝව බලන්න මෙතනින්
