මෙසේ වැඩිම වායු දුෂණය කොළඹ දිස්ත්‍රික්කයෙන් වාර්තා  වන අතර එම වායු දූෂණ දර්ශකය 114 ක් ලෙස සටහන් වේ.

මීට අමතරව වායු දූෂණ දර්ශකය ගාල්ල කරාපිටියේ 90ක්ද පුත්තලම නගරයේ 88 ක්ද කුරුණෑගල සහ අනුරාධපුරය නගරවල 86 වශයෙන්ද සටහන් වේ.

කෙසේ වෙතත් මෙම තත්වය තුළ දී සංවේදී පුද්ගලයින් මෙන්ම විවිධ රෝගාබාධ හේතුවෙන් දුර්වල සෞඛ්‍ය තත්වයක් සහිත පුද්ගලයන්ට විශාල වශයෙන් අහිතකර බලපෑමක් ඇති විය හැකි බව එම වාර්තාවේ වැඩිදුරටත් දැක්වේ.

රටේම වායු දූෂණය දර්ශකයේ 50 සීමාව ඉක්මවා තිබීම සංවේදී පුද්ගලයින්ට බලපෑමක් ඇති වීමේ අවධානමක් පැවතිය හැකි බැවින් මේ පිළිබඳව ජනතාව අවධානය පසුවන්නැයි එම සංවිධානය ජනතාවගෙන් ඉල්ලීමක් කරයි.

මෙම වායු තත්වය විටින් විට වෙනස්විය හැකි බවද හෙට දිනයේද මෙවැනි තත්වයක් අපේක්ෂා කළ හැකි බවද එහි දැක්වේ.