ඩේලි මෝර්නින් පුවත්පත වෙත අදහස් දක්වමින් අවිශිබම කැඳවුම්කරු මධුෂාන් චන්ද්‍රජිත් පවසන්නේ පසුගිය සතියේ ජාතික ජනබලවේගයේ නායකයින් සමඟ පසුගිය සතියේ පැවති රැස්වීමේ දී රාජ්‍ය විශ්ව විද්‍යාල පද්ධතියේ වත්මන් ගැටළු සහ දිනෙන් දින ඉහළ යන ආණ්ඩුවේ මර්දනය පිළිබඳව සාකච්ඡා කළ බවත් එසේ නොමැතිනම් එම රැස්වීම පිටුපස වෙනත් කිසිදු දේශපාලන අරමුණක් නොමැති බවද ඔහු සඳහන් කරයි. මැතිවරණයක් කැඳවන තෙක් බලා නොසිට මහජනතාවට පොදු වූ අරමුණු සාක්ෂාත් කර ගැනීම සඳහා සාමූහික ව්‍යාපාරයක වැදගත්කම පිළිබඳව ජාජබය වෙත බල කිරීමට අවිශිබමයට අවශ්‍ය බව ද චන්ද්‍රජිත් පවසයි. ජාත්‍යන්තර මූල්‍ය අරමුදලේ (IMF) නියෝග අනුව රජය සෞඛ්‍ය හා අධ්‍යාපනය සඳහා වන වියදම් කපා හැරීමේ ප්‍රතිඵලයක් ලෙස මේ වන විට සමස්ත විශ්වවිද්‍යාල පද්ධතියම කඩා වැටී ඇති බවට ඔහු චෝදනා කරයි. “ජාමූඅ සහ රටට අහිතකර එහි යෝජනාවලට එරෙහිව නැගී සිටින ලෙස අපි ජාජබයෙන් ඉල්ලා සිටියා. අපි විශ්වාස කරනවා මැතිවරණයක් එනකම් ඉන්න බෑ කියලා. තත්ත්වය දිනෙන් දින නරක අතට හැරේනවා. පොලිසිය කරන මර්දනයට සමගාමීව රජය මර්දන නීති රැසක් පනවනවා. මෙය දිගටම කරගෙන යාමට අපට ඉඩ දෙන්න බැහැ, ”ඔහු පවසයි.
ඔවුන් විසින් මතු කරන ලද කරුණු සම්බන්ධයෙන් ජාජබයෙන් යහපත් ප්‍රතිචාරයක් ලැබෙනු ඇතැයි ඔවුන් බලාපොරොත්තු වන බව ඔහු වැඩිදුරටත් සඳහන් කර ඇත. “රජයේ හැසිරීමට එරෙහිව සටන් කිරීමට සාමූහික ව්‍යාපාරයක වැදගත්කම අපි මතු කළා. එම රැස්වීම පිටුපස වෙනත් දේශපාලන න්‍යාය පත්‍රයක් නැහැ. ජාජබය වෙතින් හොඳ ප්‍රතිචාරයක් ලැබෙනු ඇතැයි අපි බලාපොරොත්තු වෙමු, ”ඔහු වැඩිදුරටත් පවසයි
