සජිත් ප්‍රේමදාස මහතා වේදිකාවට පැමිණ පක්ෂයේ නායකත්ව මණ්ඩලය හෝ වෙනත් පක්ෂයේ නායකයකු අපහසුවන සේ කතාවක් කළහොත්, ආණ්ඩුව එය ඔවුන්ගේ වාසියට යොදාගනිමින් මැතිවරණය අවසන් වනතෙක් මාධ්‍ය හරහා පතුරු ගැසිය හැකි බව හරින් ප්‍රනාන්දු මහතා පැහැදිලිකර ඇත.
කෙසේවුවද, මොනරාගල දිස්ත්‍රීක් එජාප පාර්ලිමේන්තු මන්ත්රී රන්ජිත් මද්දුම බණ්ඩාර මහතා පවසන්නේ සජිත් ප්‍රේමදාස මහතා නොමැතිව ඌව ජයගැනීමට නොහැකිබවයි. එහෙයින් ප්‍රේමදාස මහතාට නියෝජ්‍ය නායකකම දී ඌව කැඳවන්නැයි මන්ත්‍රීවරයා එජාප නායකයා ගෙන් ඉල්ලා සිටියි.
මේ අතර, ප්‍රේමදාස මහතාට පක්ෂයේ නියෝජ්‍ය නායකම නොදීම සම්බන්ධයෙන් වූ සාකච්චා බරපතල ගැටළුකාරී තත්වයකට පත්ව ඇතැයි වාර්තා වේ.
එජාප නායක රනිල් වික්රමසිංහ මහතා සමඟ විද්‍යුත් හා මුද්‍රිත මාධ්‍ය ආයතන ප‍්‍රධානීන් දෙදෙනෙක් විසින් පැවැත්වූ මූලික සාකච්චාවලදී එකඟ වී ඇත්තේ සජිත්ට නියෝජ්‍ය නායක කම දෙන්නේ නම් රනිල් ඉලක්ක කර එල්ල කරන ප‍්‍රහාර නවත්වන බවටයි. ඒ අනුව පසුගිය දින කිහිපය පුරා එම මාධ්‍ය ආයතන දෙක විසින් සිය රනිල් විරෝධී මෙහෙයුම නවතා දමා තිබින.
සජිත් නියෝජ්‍ය නායක කම ලබා දීම සමඟම නායකත්ව මන්‍ඩලය අහෝසි කල යුතු බවටත්, කෘත්‍යාධිකාරී මන්ඩලයට සාමාජිකයන් දස දෙනෙකු පත් කිරීමේ බලය ඔහුටද පැවරිය යුතු බවටත් යෝජනා වී තිබින.
කෙසේ වෙතත් මේ සියල්ලට රවි කරුණානායක, මංගල සමරවීර ඇතුළු කිහිප දෙනෙක් දැඩි විරෝධය පල කිරීම නිසා පසුගිය 25 වන දිනට පෙර ලබා දෙන බවට පොරොන්දු වූ නියෝජ්‍ය නායක කම සජිත් පේ‍්‍රමදාස මහතාට ලබා දීම අතහැර දමා ඇත.
මේ හේතුවෙන් දැඩි කල කිරීමකට පත්ව සිටින පේ‍්‍රමදාස මහතා ඌවේ මැතිවරණ සටන අතහැර සුපුරුදු ලෙස හම්බන්තොටට වී කාලය ගත කරන්නට පටන් ගෙන තිබේ.
එජාප පාර්ලිමේන්තු මන්ත්රී සජිත් පේ‍්‍රමදාස මහතා ඌව මැතිවරණ වේදිකාවට එක්කර නොගන්නැයි එජාප ඌව මහ ඇමති අපේක්ෂක හරින් ප්‍රනාන්දු මහතා එජාප නායක රනිල් වික්රමසිංහ මහතාගෙන් ඉල්ලීමක් කර තිබේ.
Leave a comment
