එම අංශ පෙන්වා දෙන්නේ මේ දිනවල මිනිස් සිරුරට ද දැනෙන උණුසුම පවතින්නේ ඉතා ඉහළ අගයක බවය.

පවතින වියළි කාලගුණය හේතුවෙන් මොවුස්සාකැලේ හා කාසල්ර් ජලාශවල ජල මට්ටම ශීඝ්‍රයෙන් පහත බසිමින් ඇති බව එම ජලාශ භාර ඉන්ජිනේරුවෝ පැවැසූහ.

ඊයේ දිනයේත් පෙ.ව. 6.00 වන විට මාවුස්සාකැලේ හා කාසල්ර් යන ජලාශවල ජල මට්ටම පිටාර මට්ටමේ සිට පිළිවෙළින් අඩි 13 අඟල් 05ක් හා අඩි 08ක් වශයෙන් පහත බැස ඇති බව ඔවුහු සඳහන් කළහ. ජාතික ජල විදුලිබල පද්ධතියට අයත් ලක්ෂපාන ජල විදුලි බලාගාර සංකීර්ණය යටතේ ඇති ලක්ෂපාන, නව ලක්ෂපාන, කැනියොන් පොල්පිටිය, විමලසුරේන්ද්‍ර හා බ්‍රෝඩ්ලන්ඩ් යන විදුලි බලාගාර 06ක් සඳහා විදුලිය උත්පාදනයට ප්‍රධාන වශයෙන් ජලය සපයන්නේ මාවුස්සාකැලේ හා කාසල්ර් යන ජලාශවලින් බව එම ජලාශ භාර ඉන්ජිනේරුවෝ සඳහන් කලේය