ජනාධිපතිවරයා පෙන්වා දෙන්නේ, ශ්‍රී ලංකාව ලබා ඇති ප්‍රගතිය ගෝලීය වශයෙන් ද පිළිගැනීමට ලක්ව ඇති බවය.
රට ස්ථාවරත්වයට පත්කර ගැනීමේ සැබෑ වීරයන් ශ්‍රී ලාංකේය ජනතාව බව ද සිය x ගිණුමේ සටහනක් තබමින් ජනාධිපති රනිල් වික්‍රමසිංහ ප්‍රකාශ කර තිබේ.
අස්වැසුම හරහා මිලියන 2.4ක ජනතාවක් නඟාසිටුවීමට කටයුතු කරමින් සිටින අතර උරුමය හරහා මිලියන 2කට ඉඩම් ලබාදීමට සැලසුම් කර අති බව ජනාධිපතිවරයා සඳහන් කර ඇත.
අඩු අදායම්ලාභී පවුල් 50,000කට නිවාස ලබාදීමට මෙන්ම විශ්‍රාම වැටුප් වැඩී කිරීම ඇතුළු අවදානමට ලක්වූවන් ආරක්ෂා කිරීම ඉලක්ක කරගත් වැඩසටහන් රැසක් ආරම්භ කර ඇති බව ද ජනාධිපති රනිල් වික්‍රමසිංහ වැඩිදුරටත් පෙන්වා දී තිබේ.
දකුණු සහ මධ්‍යම ආසියානු කටයුතු පිළිබඳ අමරිකානු සහකර ලේකම් ඩොනල්ඩ් ලූ පසුගියදා ශ්‍රි ලංකාවේ ආර්ථික නැගිටීම සම්බන්ධයෙන් විදේශික කණ්ඩායමක් සමඟ දැක්වු අදහස ඇතුලත් වීඩියෝවක් පසුගිය දින කිහිපයේදී X හී වයිරල් වෙමින් තිබිනි. එය ජාතන්තර වශයෙන් අවධානයටද ලක්ව තිබිණි. ජනපතිවරයා ඔහුට ස්තුතිය පුදකරමින් x හි (ටුවිටර් ගිණුමෙහි ) සටහනක් තබන ලදී.
-P.M
