ඔහු මේ බව පැවසුවේ ශ්‍රී ලංකා වත්මන් සමාජ ආර්ථික අර්බුදය : සමාජ විද්‍යාත්මක පර්යායන් යන මැයෙන් පැවති සංවාදාත්මක සාකච්ඡාවට එක් වෙමිනි.

පවුල, කාන්තාව සහ අධ්‍යාපනය යන්න ආර්ථික අර්බුදයට කෙසේ බලපෑම් කර තිබේද යන්න වැඩිදුරටත් සාකච්ඡාව තුළදී සිදු කෙරිණු අතර මහාචාර්ය එම්.ටී.එම්. මහීස්  පවුල පිළිබඳ මෙසේ අදහස් දැක් වූයේය.

“අපේ රටේ දරුවන් මිලියන තුනකට ඍජුව හෝ වක්‍රව ආර්ථික අර්බුදය බලපා තිබේ. යුනිසෙෆ් දත්තවලට අනුව අපේ රටේ 45%ක්ම මාසික ආදායමෙන් 75%ක්ම ආහාර සඳහාම වියදම් කරනවා. මහ බැංකු වාර්තාවලින් දැක්වෙනවා, එක් පුද්ගලයකුට මාසෙකට ජීවත් වෙන්න අවම වශයෙන් රු. 18,000ක් ද පුද්ගලයන් හතර දෙනකු ජීවත් වන පවුලකට රු. 65,000ක් ඉක්මවා ගිය මුදලක් අවශ්‍ය බවත් දක්වා තිබේ. පවතින ආර්ථිකයත් එක්ක දරුවන්ගේ පෝෂණය අඩු වෙලා. පවුල තුළ ඇති සබඳතා අඩු කර ගන්න වෙලා. 20%ක්ම ආතතියෙන් පෙළෙනවා. මූලික සබඳතා අඩුවීමෙන් සමාජය අද වෙනකොට කඩා වැටීමකට ලක්වී ඇති බවය.