වනජීවී සංරක්ෂණ දෙපාර්තමේන්තුවේ අධ්‍යක්ෂ ජනරාල් චන්දන සූරියබණ්ඩාර මේ සම්බන්ධයෙන් අදහස් දක්වමින් පවසන්නේ බොල්ගොඩ ගඟ කිඹුලන්ගේ වාසභූමියක් වන බවත් කොළඹ ගංගා, වැව්, ඇළ දොළ ආශ්‍රිතව කිඹුලන් විශාල ප්‍රමාණයක් ජීවත් විය හැකි බවත්ය. එමෙන්ම දියවන්නාව, කැලණි ගඟ ආශ්‍රිත ප්‍රදේශ ද කාලයක සිට කිඹුලන්ගේ වාසභූමි බවට පත්ව ඇති බවය.
එබැවින් මෙම ඇළ දොළ දිගේ ගමන් කිරීමේදී දැඩි අවධානයෙන් සහ විමසිලිමත් වන ලෙස අධ්‍යක්ෂ ජනරාල්වරයා ජනතාවගෙන් ඉල්ලා සිටියේය.
එමෙන්ම කිඹුලන් වාසස්ථානවලින් ඉවත් කිරීමට කිසිදු විද්‍යාත්මක ක්‍රමවේදයක් යොදාගෙන නැති බවත්. ඔවුන් ඉවත් කළත් ඔවුන් නැවත එම වාසස්ථානයටම පැමිණීම සිදුවන බවත් පෙන්වා දෙන වනජීවී දෙපාර්තමේන්තුව කිඹුලන් වාසස්ථානවලින් ඉවත් කිරීම ද නිවැරදි ක්‍රියාවක් නොවන බව පවසයි.
-P.M
