නව වසරේ රාජකාරි ආරම්භ කිරීම නිමිත්තෙන් අද (01) දින අමාත්‍යංශ පරිශයේ පැවති ප්‍රතිඥා දිමේ උත්සවයට එක්වෙමින් අමාත්‍යවරයා මේ බව සඳහන් කළේය.
එහිදී මෙම වසර තුලදී අමාත්‍යංශයේ කටයුතු පෙර වසර මෙන්ම ඉතා කාර්යක්ෂමව සිදු කිරීමට පියවර ගන්නා ලෙසද අමාත්‍යවරයා විසින් සියලුම නිලධාරීන්ගෙන් ඉල්ලා සිටිනු ලැබීය.
ඉකුත් වසර තුලදී අමාත්‍යාංශයේ නිලධාරීන් විසින් සිය රාජකාරී නිසි ලෙස ඉටු කිරීමට පියවර ගත් බවත් එහි ප්‍රතිඵලයක් ලෙස වාර්ථමානයේ මෙරට සාර්ථකම අමාත්‍යාංශය බවට පත්වීමට කම්කරු හා විදේශ රැකියා අමාත්‍යාංශයට හැකියාව ලැබුණු බවද හෙතෙම පැවසීය.
මෙරට තුල පැවති දැඩි අර්බුදකාරී තත්ත්වය වෙනස් කරමින් සාධනීය තත්ත්වයකට අමාත්‍යංශ්‍ය සහ රට පත් කරගැනීමට සියලුම රාජ්‍ය නිලධාරීන් උපරිමයෙන් කැපවී කටයුතු කර තිබෙන බවත්, එහි ප්‍රතිඵල අදවන විට භුක්ති විඳිමින් සිටින බවත් අමාත්‍යවරයා පෙන්වා දුන්නේය.
