මීට මාස තුනකට පමණ ඉහතදී පොලිස් විශේෂ කාර්යාංශයේ අධ්‍යක්ෂක ජේෂ්ඨ පොලිස් අධිකාරීවරයා නිවසින් බැහැර ව සිටි දිනකදී ගරාජයෙන් නිවසට ඇතුළු වී එහි තිබූ රුපියල් එක්ලක්ෂ හැට දෙදහසකට පමණ ජංගම දුරකථන,ටැබ් යන්ත්‍ර ,රන් ආභරණ.විස්කි බෝතල කිහිපයක් සහ ඩොලර් හා සුඩාන් ඇතුළු විදෙස් මුදල් මෙසේ සොරකම් කොට තිබිණ.
සොරකම් කළ ටැබ් යන්ත්‍රයෙන් සැකකරුවන් සිදු කළ පණිවිඩ හුවමාරුවක් ඔස්සේ මෙම සොරකමේ සුල මුල හෙළි කොට ගෙන ඇත.
මෙසේ අත්අඩංගුවට පත්ව ඇත්තේ වාද්දුව සහ මුන්දලම ප්‍රදේශ වල වයස අවුරුදු 20 -25 ත් අතර සැකකරුවන් තිදෙනෙකි
.මින් දෙදෙනෙකු යුධ හමුදාවෙන් පලා ආ අය වන අතර ඉන් එක අයකු ශ්‍රී ලංකාවේ ලියාපදිංචි අපරාධකරුවන්ගේ ලයිස්තුවේ සිටින අයකු බවද පරීක්ෂණ වලදී අනාවරණය වී ඇත.
මීට පෙර වාද්දුව මොල්ලිගොඩ ප්‍රදේශයේ නිවසකින් ලැප් ටොප් පරිඝනකයක් සොරකම් කොට සිරගතව පැමිණි මින් එක අයකුට පෙර වැරදි ඇති අයකු බවද පොලිසිය පවසයි.
සොරකම් කරන ලද භාණ්ඩ සහ මුදල්ද නේපාල ගුරුකාවරුන් භාවිතා කරන බව කියන වටිනා පිහියක්ද සැකකරුවන් සන්තකව තිබී අත්අඩංගුවට ගෙන ඇත.
