මෙම උත්සවයේ මූලාසනය ගරු කථානායක මහින්ද යාපා අබේවර්ධන හොබවන අතර, ආසියා පැසිෆික් කලාපයේ සාමය සඳහා වූ ජාත්‍යන්තර සමුළු කවුන්සිලයේ (ISCP) සභාපති, ශ්‍රී ලංකාවේ හිටපු ජනාධිපති, මෛත්‍රීපාල සිරිසේනගේ ආරාධනයෙන් මෙම සමුළුව පැවැත්වේ.
මෙය ශ්‍රී ලංකා පාර්ලිමේන්තුව සමඟ විශ්ව සාම සම්මේලනය (UPF) සහ එහි අනුබද්ධ සංවිධාන වන සාමය සඳහා වන ජාත්‍යන්තර සමුළු කවුන්සිලය (ISCP) සහ සාමය සඳහා වූ පාර්ලිමේන්තු මන්ත්‍රීවරුන්ගේ සංගමය (IAPP) එක්ව සංවිධානය කරයි.
චෑන්ග් යැංග් මහතා - සභාපති විශ්ව සාම සම්මේලනය, ඒක් නාත් ඩකාල් මහතා - සභාපති අන්තර්ජාතික පාර්ලිමේන්තු සභිකයින්ගේ සාම සංවිධානය - ආසියා පැසිෆික් සහ මසායිච් හොරී මහතා සභාපති - විශ්ව සාම සම්මේලනය ආසියා පැසිෆික් කලාපය සහ මැලේසියාව, නේපාලය, ඉන්දියාව, ජපානය, බංගලාදේශය සහ පිලිපීනය නියෝජනය කරන පාර්ලිමේන්තු මන්ත්‍රීවරුන් කිහිප දෙනෙකුද මෙම සමුළුව සඳහා ජාත්‍යන්තර නියෝජිතයින් ලෙස සහභාගී වීමට නියමිතය.
