මෙම ඖෂධ වංචාවට අදාළව මාලිගාකන්ද මහේස්ත්‍රාත් අධිකරණයේ පෙරේදා (29) පැවති නඩු කටයුත්තේදී නීතිපති දෙපාර්තමේන්තුව අධිකරණයෙන් ඉල්ලා සිටියේ විමර්ශනවලට සහාය වෙමින් හිටපු සෞඛ්‍ය ලේකම්වරයාට අපරාධ පරීක්ෂණ දෙපාර්තමේන්තුව හමුවේ පෙනී සිට ආදර්ශ අත්සන හා අත්අකුරු පරීක්ෂා කිරීමට නියෝගයක් ලබාදෙන ලෙසය.
ඒ අනුව ඊයේ උදෑසන 10.00ට අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස අධිකරණය මඟින් හිටපු ලේකම්වරයාට නියෝගයක් නිකුත් කරනු ලැබීය.
ඒ අනුව හිටපු ලේකම්වරයා අපරාධ පරීක්ෂණ දෙපාර්තමේන්තුව හමුවේ පෙනී සිට ඇති බවත් එහිදී ඔහුගෙන් ප්‍රකාශයක් ද සටහන් කරගෙන ඇති බවත් පොලිස් තොරතුරු සඳහන් කළේය.
කෙසේවෙතත් අපරාධ පරීක්ෂණ දෙපාර්තමේන්තුවෙන් හිටපු ලේකම්වරයා ඊයේ පිටත්ව යන අවස්ථාවේදී මාර්ගයේ රැඳී සිටි පිරිසක් ඔහුටවිරෝධය ද දක්වා තිබුණු බව වාර්තා වේ.
-P.M
