එම ප්‍රතිලාභ ගෙවීම සඳහා රුපියල් කෝටි 857ක (රුපියල් මිලියන 8,571) මුදලක් බැංකු වෙත නිකුත් කිරීමට මහා භාණ්ඩාගාරය පියවර ගෙන තිබෙන අතර, මෙම වාරික මුදල් ප්‍රතිලාභී පවුල් 1,377,000ක් වෙනුවෙන් ලබා දෙන බවද එම ප්‍රතිලාභීන්ගේ බැංකු ගිණුම් වෙත වාරික මුදල් කඩිනමින් බැර කිරීමට පියවර ගෙන තිබෙන බවද මුදල් රාජ්‍ය ඇමැති ශෙහාන් සේමසිංහ ප්‍රකාශ කළේය.

ඒ අනුව අස්වැසුම ප්‍රතිලාභීන්ගේ සැප්තැම්බර් මස වාරික අද (23) සිට ලබා ගැනීමේ හැකියාව පවති.

මුදල් රාජ්‍ය ඇමැතිවරයා පෙන්වා දෙන්නේ ඔක්තෝබර්, නොවැම්බර් සහ දෙසැම්බර් වාරික මේ වසර අවසානයට පෙර ප්‍රතිලාභීන් වෙත ගෙවා අවසන් කරන බවත් , ඊට අමතරව නව අයදුම්පත් කැඳවීම ද දෙසැම්බර් මස ආරම්භ කරන බවත්ය .

ජනාධිපති රනිල් වික්‍රමසිංහගේ උපදෙස් පරිදි සෑම මාස හයකට වරක් අස්වැසුම සමාලෝචන කටයුතු සිදු කරන බව පවසන සේමසිංහ මහතා මීට අමතරව වැඩිහිටි, වකුගඩු සහ ආබාධිත දීමනා හිඟ මුදල් ද මේ වන විට ගෙවා අවසන් බව කියා සිටියේය.

-P.M