මේ වනවිට රට තුළ පවතින සීනි තොග ගණනය කර අවසන් බැවින් අද (20දා) දිනයේ ඒවා සම්බන්ධයෙන් තීරණයක් ගන්නා බව වෙළෙඳ අමාත්‍ය නලීන් ප්‍රනාන්දු පැවසුවේය.
ඒ අනුව ඉදිරියේදී සතොස සහ සමූපකාර වෙළෙඳසැල් හරහා සීනි කිලෝවක් රුපියල් 275ක මිලකට අලෙවි කිරීමට පියවර ගන්නා බවත් දුඹුරු සීනි කිලෝග්‍රෑම් එකක් සඳහා රුපියල් 330ක් ලෙසින් අලෙවි කරන බවත් පැවසුවේය.
සීනි මිල පාලනය සඳහා උපරිම සිල්ලර මිලක් පැනවීමට රජය කටයුතු කිරීමත් සමඟ වෙළෙඳපොළේ හටගත් සීනි හිඟය තවදුරටත් පවතින බව අමාත්‍යවරයා සදහන් කර සිටියේය.
මේ සම්බන්ධයෙන් අදහස් දක්වමින් ජාතික පාරිභෝගික පෙරමුණේ නායක අසේල සම්පත් පැවසුවේ උපරිම සිල්ලර මිලක් පමනක් නියම නොකර, තොග මිල, අතර මැදි මිල සහ සිල්ලර මිල යන තුනටම වෙන් වෙන් වූ උපරිම මිලක් නියම කළ යුතු බවය.
රන්ජනා
