මාලේ නුවර සිට අද (18) උදෑසන 09යි 30ට පමණ කටුනායක ජාත්‍යන්තර ගුවන් තොටුපොළට ළගා වූ ගුවන් යානයෙන් ජනාධිපතිවරයා දිවයිනට පැමිණි බව ගුවන් තොටුපොළ සඳහන් කරයි.
මාලදිවයිනේ නව ජනාධිපති මොහොමඩ් මුයිසුගේ දිවුරුම් දීමේ උත්සවයට සහභාගි වීම සදහා ජනාධිපති රනිල් වික්‍රමසිංහ පසුගිය 16 වැනිදා පස්වරුවේ දිවයිනෙන් පිටත්ව ගියේය.
කෙසේවෙතත් මාලදිවයිනේ නව ජනාධිපති ආචාර්ය මොහොමඩ් මුයිසු එම ධුරයේ දිවුරුම්දීමේ උත්සවය ඊයේ(17) මාලේහීදි පැවති අතර ඊට සහභාගීවූ ශ්‍රී ලංකා ජනාධිපති රනිල් වික්‍රමසිංහ සිය උණුසුම් සුබපැතුම් මාලදිවයින් ජනාධිපතිවරයා වෙත පිළිගැන්වූයේය.
මෙම අවස්ථාවට සහභාගි වන ලෙස අසල්වැසි රටවල නායකයින් ඇතුළු අමුත්තන් 3000කට අධික පිරිසකට ආරාධනා කර තිබූ බව විදෙස් මාධ්‍ය සඳහන් කරයි.
නව ජනාධිපති මුයිසු, සිය සමාරම්භක දේශනයේදී, “වෙනත් ඕනෑම රටක ආරක්‍ෂක රතු රේඛාවට” ගරු කරන බවට ප්‍රතිඥා දුන්නේය. ආරක්‍ෂාව සම්බන්ධයෙන් ඉන්දියන් සාගර දූපත් සමූහයට “ඝන රතු ඉරක්” ඇති බව ඔහු අවධාරණය කළේය.
සැප්තැම්බර් මාසයේ පැවති මාලදිවයින් ජනාධිපතිවරණයෙන් ආචාර්ය මුයිසු ජයග්‍රහණය කළේ, දෙවන වටයේ දෙවැනි වටයේ දී වත්මන් ඊබ්‍රාහිම් සෝලි පරාජය කරමිනි.
-P.M
