මේ අනුව විදේශ ණය ප්‍රතිව්‍යුහගත කිරීම සම්බන්ධයෙන් ප්‍රගතියක් ලබා ගැනීමේ ශ්‍රී ලංකාවේ අපේක්ෂාවන් ඉහළ නැංවීමක් සිදුව ඇති බවද එම පුවත් සේවය පවසයි..
මේම ණය ගිවිසුමට පසුගිය සැප්තැම්බර් අවසානයේ දී එළඹ ඇති බව චීන විදේශ අමාත්‍යාංශයේ ප්‍රකාශක වැන්ග් වෙන්බින් ඔක්තෝබර් 10 වැනිදා බීජිංහිදී ප්‍රකාශ කළ බව ද වාර්තා කරයි. එමෙන්ම පැරිස් ක්ලබ් නමින් හැඳින්වෙන ශ්‍රී ලංකාවේ අනෙකුත් ණය හිමියන් සමඟ ද චීනය සාකච්ඡාකර ඒතඟතාවයකට පිවිසෙන බවද එම ප්‍රකාශකයා පවසා ඇත..
ජාත්‍යන්තර මූල්‍ය අරමුදලේ ඩොලර් මිලියන 330 ක දෙවන වාරිකය ලබාගැනීමට සහ ආසියානු සංවර්ධන බැංකුවෙන් සහ ලෝක බැංකුවෙන් අයවැය ආධාරක ණය සඳහා අඛණ්ඩව සුදුසුකම් ලැබීමට ජාත්‍යන්තර මූල්‍ය අරමුදලට පිළිගත හැකි ප්‍රගතියක් ශ්‍රී ලංකාව අත්කර ගත යුතුව තිබිණි.
ප්‍රතිව්‍යුහගත කිරීම පිළිබඳ “මූලික” ගිවිසුම ප්‍රමාණවත් ප්‍රගතියක් ලෙස ජාත්‍යන්තර මූල්‍ය අරමුදලට පිළිගත හැකිද යන්න පැහැදිලි නැතත් ශ්‍රී ලංකාවේ විදේශ ණය ප්‍රතිව්‍යුහගත කිරීමට අදාළ සාකච්ඡා පිළිබඳ තතු දන්නා මූලාශ්‍ර පැවසුවේ ප්‍රමාද වී හෝ චීනයේ ස්ථාවරයේ 'මෘදු වීමක්' පෙනෙන්නට ඇති බවයි.
චීනයට ගෙවිය යුතු ඩොලර් මිලියන 6,850 න් ඩොලර් මිලියන 3,992 ක් එක්සිම් බැංකුව විසින් මෙරටට ණයට ලබා දී ඇත.
චීන සංවර්ධන බැංකුව ද්විපාර්ශ්වික ලෙස වර්ගීකරණය කරන ලද තවත් ඩොලර් මිලියන 535.2 ක් ද CDB වාණිජ ණයක් ලෙස වර්ගීකරණය කරන ලද තවත් මිලියන 2,185 ක වාරික ණයක් ද ලබා දී ඇත.
මේ අතර ශ්‍රී ලංකා ජනාධිපති රනිල් වික්‍රමසිංහ මහතා ශ්‍රී ලංකාවේ විදේශ ණය ප්‍රතිව්‍යුහගත කිරීමට අදාළ සාකච්ඡා සහ භූ දේශපාලනික වශයෙන් වැදගත් කරුණා පිළිබඳ සාකච්ඡාවක් සඳහා ළඟදීම චීනයේ සංචාරයක නිරත වීමට නියමිතය.
