එම ආයතන ආදායම් උපයාගත යුතු ප්‍රමාණය ඇතුළු ඉලක්ක මේ අනුව ලබාදීමට නියමිතය. රාජ්‍ය ආදායම ඉහළ නංවා ගැනීම සඳහා ඉහත ආයතන හරියාකාරව කටයුතු කර නැතැයි ජාත්‍යන්තර මූල්‍ය අරමුදල ද රජයට දැනුම් දී තිබේ. අදාල ආයතන රාජ්‍ය ආදායම උත්පාදනයේදී දුර්වලතාවයක් පෙන්නුම් කරන බව රජයේ නිරීක්ෂණයට ද ලක්ව ඇත.දේශීය ආදායම් දෙපාර්තමේන්තුව මේ අතරින් දුර්වලම ආයතනය බවද නිරීක්ෂණය වී තිබේ. විශේෂයෙන්ම බදු ගෙවිය යුතු අයගෙන් බදු අය කරගැනීමට අසමත් වීම කැපී පෙනෙන දුර්වලතාවයක් ලෙස මතුව තිබේ.
පසුගියදා සිදුවූ ඇමැති මණඩල හමුවකදී ජනාධිපතිවරයා මෙම ආයතන ඇතුළු රජයේ ආදායම් උපදවන සියළු ආයතන සම්බන්ධයෙන් දැඩි විවේචනාත්මකව අදහස් පළ කර ඇත. එහිදි ජනතාව ඇති තරම් රට වෙනුවෙන් කැපකිරීම කර ඇති නමුත් මෙම ආයතවල වගකිව යුත්තන් සිය වගකීමම ඉටු කර නැති බවට චෝදනා කර තිබේ. ඒ අනුව ජනාධිපතිවරයාගේ නියෝග කර ඇත්තේ අදාල ආයතන 2024 වසරේ සිට රජය දෙන ඉලක්ක වලට වැඩ කටයුතු කළ යුතු බවටය.
