ජාතික ආරක්‍ෂාව ශක්තිමත් කිරීම සඳහා නව ජාතික ආරක්‍ෂක ප්‍රතිපත්තියක්

Published in පුවත්
Monday, 05 December 2022 20:58

සටන් බිමේ සාර්ථකත්වය හෝ අසාර්ථකත්වය රඳා පවතින්නේ යුද පසුබිම තේරුම් ගැනීමට තරම් බුද්ධිමත් සහ සාර්ථකත්වය හඹා යාමට තරම් නිර්භීත නායකයා මත බව ආරක්‍ෂක ලේකම් කමල් ගුණරත්න පැවසීය.

නිළධාරියෙකුට වෘත්තීයභාවය හා බද්ධ වූ බුද්ධිය සහ දැනුම ප්‍රමුඛස්ථානයක් ලෙස සලකනු ලබන්නේ එය සටනක අවසාන තත්වය තීරණය කරන බැවින් අපගේ හමුදාවන් අනාගතයේදී මුහුණ දෙන අභියෝගවලදී ඔවුන් මෙහෙය වීමට ඉහළ සුදුසුකම් ලත් දක්ෂ හා වෘත්තීය නිලධාරීන්ගේ දැඩි අවශ්‍යතාවයක් ඇති බව ජෙනරල් ගුණරත්න සඳහන් කළේය.

ඔහු මෙම අදහස් පළ කළේ කොළඹ ආරක්‍ෂක සේවා අණ හා මාණ්ඩලික විද්‍යාලයේ පාඨමාලා අංක 16 ශිෂ්‍ය නිලධාරීන් ආමන්ත්‍රණය කිරීම සඳහා අණ හා මාණ්ඩලික විද්‍යාල ශ්‍රවණාගාරයේදී ආරාධිත දේශකයා ලෙස අද (දෙසැම්බර් 05) සහභාගී වූ අවස්ථාවේදී ය.

ලෝව පුරා පිහිටි හමුදා විද්‍යාලවල නායකත්ව සහ කළමනාකරණ පාඨමාලා අතර අණ හා මාණ්ඩලික පාඨමාලාවට ඉහල පිළිගැනීමක් ඇති බව ද ඔහු පැවසීය.

හමුදාවට අදාල සෑම ක්‍ෂේත්‍රයකම කාර්යයන් ඉටු කිරීමට හමුදා නායකයින් බැඳී සිටින බව සඳහන් කළ ආරක්‍ෂක ලේකම්වරයා, මිනිසා විසින් ඇතිකරන හෝ ස්වාභාවික තර්ජනයකින් රටේ ජනතාව ආරක්‍ෂා කිරීමට නිලධාරියෙකු නායකත්වය දෙනු ඇතැයි රජය අපේක්‍ෂා කරන බව ද පැවසීය.

රට සඳහා ශක්තිමත් ආරක්‍ෂක යාන්ත්‍රණයක අවශ්‍යතාවය පිළිබඳව වැඩිදුරටත් සඳහන් කළ ඔහු, වසර දෙකකට පෙර කෙටුම්පත් කරන ලද දැනට පවතින ‘ජාතික ආරක්ෂක ප්‍රතිපත්තිය’ සමාලෝචනය කිරීමට රජය අවශ්‍ය පියවර ගෙන ඇති බව අනාවරණය කළේය. සංශෝධිත ‘ජාතික ආරක්ෂක ප්‍රතිපත්ති සහ උපායමාර්ග’ ශ්‍රී ලංකාවට බලපාන පුළුල් ආරක්‍ෂක ගැටලුවලට විසඳුම් ලබා දෙමින් අනාගතවාදී සහ විස්තීර්ණ ආකාරයෙන් ජාතික ආරක්‍ෂක යාන්ත්‍රණය ශක්තිමත් කිරීමට නව ජවයක් ලබා දෙන බව ද ඔහු සඳහන් කළේය.

තර්ජන අවම කිරීමට සහ සුරක්ෂිත සහ සමෘද්ධිමත් රටක් සහතික කිරීමට ක්‍රියාශීලී ක්‍රියාමාර්ග ගැනීමට ජාතික ආරක්‍ෂක යාන්ත්‍රණයට පැහැදිලි සහ සංක්‍ෂිප්ත රාමුවක් එමඟින් සපයනු ඇති බව ආරක්‍ෂක ලේකම්වරයා පැවසීය.

පාඨමාලා විෂය මාලාව පවත්වාගෙන යන අතරම ආරක්‍ෂක සේවා අණ හා මාණ්ඩලික විද්‍යාලයේ කීර්තිය සහ සාරධර්ම ආරක්‍ෂා කිරීමට දරන ලද නොසැලෙන උත්සාහය පිළිබඳව ආරක්‍ෂක ලේකම්වරයා ආරක්‍ෂක සේවා අණ හා මාණ්ඩලික විද්‍යාලයේ සේනාවිධායක ඇතුළු කාර්ය මණ්ඩලය ද ඇගයීමට ලක් කළේය.
දේශනය අවසානයේදී සියලුම ශිෂ්‍ය නිලධාරීන්ට ඔවුන්ගේ ඉදිරි කටයුතු සාර්ථක කර ගැනීමට ඔහු සුබ පැතුම් එක් කළේය.

ආරාධිත දේශකයා ගේ සංචාරය සනිටුහන් කරමින් ආරක්‍ෂක ලේකම් සහ ආරක්‍ෂක සේවා අණ හා මාණ්ඩලික විද්‍යාලයේ සේනාවිධායක මේජර් ජෙනරල් ලසන්ත රුද්‍රිගු අතර සමරු තිළිණ හුවමාරුවක් ද සිදු විය. ආරක්‍ෂක ලේකම් විසින් රචිත “රණමඟ ඔස්සේ නන්දිකඩාල්” ග්‍රන්ථයේ ඉංග්‍රීසි පරිවර්තනයක් ජෙනරල් ගුණරත්න විසින් මෙම සැසියේදී විද්‍යාලය වෙත පිළිගැන්වීය.

ආරක්‍ෂක අමාත්‍යාංශයේ හමුදා සම්බන්ධතා නිලධාරී මේජර් ජෙනරල් දිනේෂ් නානායක්කාර, ත්‍රිවිධ හමුදා අංශවල ප්‍රධාන උපදේශකවරුන්, පීඨ සාමාජිකයින්, ජ්‍යෙෂ්ඨ නිලධාරීන් සහ විදේශීය හමුදා සිසුන් ඇතුළු ශිෂ්‍ය නිලධාරීන් මෙම අවස්ථාවට එක්ව සිටියහ.

armyarmy1army2kamal

Leave a comment

ld add copy

Gossip

ලේක්හවුස් අලුත් සභාපති හනුමට ඇඳගෙන ගේමක් ඉල්ලයි   

ලේක්හවුස් අලුත් සභාපති හනුමට ඇඳගෙන ගේමක් ඉල්ලයි  

සීමාසහිත එක්සත් ප්‍රවත්ති පත්‍ර සමාගමේ නව සභාපතිවරයා ලෙස පත්ව ආ ගාමිණී වරුෂමානගේ ක්‍රියාකාරීත්වය පිළ...

ජනප්‍රිය නිළි ශලනියි නිහතයි අතරට අලුත ආ අමුත්තා ..මෙන්න කතාව

ජනප්‍රිය නිළි ශලනියි නිහතයි අතරට අලුත ආ අමුත්තා ..මෙන්න කතාව

ශලනි තාරකා දැන් එයාගේ ජීවිතේ අලුත් පිටුවක් පෙරලමින් ඉන්නේ විවාහයත් එක්ක. ජනප්‍රියම නිළිය විදියට තවමත...

ටිල්වින් ඉවත් වෙයි..බිමල් එයි?   

ටිල්වින් ඉවත් වෙයි..බිමල් එයි?  

ජනතා විමුක්ති පෙරමුණේ ලේකම් ටිල්වින් සිල්වා මහතා මෙතෙක් කල් තමන් දැරූ තනතුරෙන් ඉවත්ව එම වගකීම් සියල්...

සජබ ට නායකත්ව මණ්ඩලයක්. විපක්ෂ නායක ධුරයට හර්ෂ ?

සජබ ට නායකත්ව මණ්ඩලයක්. විපක්ෂ නායක ධුරයට හර්ෂ ?

ඉදිරි මැතිවරණ ජයග්‍රහණය සඳහා සමගි ජනබලවේගය මෙහෙයවීමට නායකත්ව මණ්ඩලයක් පත් කිරීමට යෝජනා වී ඇතැයි දේශය...

අනං මනං

Connet With Us