පසුගිය 18 වැනි දා අන්තර් විශ්වවිද්‍යාලයීය ශිෂ්‍ය බල මණ්ඩලය කොළඹ පැවැත්වූ විරෝධතාවක් අතරතුර වසන්ත මුදලිගේ ඇතුළු 19 දෙනෙකු පොලිස් අත්අඩංගුවට පත් වූ අතර, වසන්ත මුදලිගේ ඇතුළු තිදෙනා හැර සෙසු 15 දෙනා පසුගිය දා අධිකරණයට ඉදිරිපත් කිරීමෙන් පසු ව ඇප මත මුදා හැරුණා.
එක් අයෙකු ලබන 26 වැනි දා දක්වා රක්ෂිත බන්ධනාගාරගත කිරීමට යි අධිකරණය නියෝග කළේ.
වසන්ත මුදලිගේ ඇතුළු තුන් දෙනා පැය 72ක රැඳවුම් නියෝග යටතේ පළමුව රඳවා ගැනුණු අතර, ආරක්ෂක අමාත්‍යවරයාගේ අනුමැතියට යටත් ව ඔවුන් දින 90ක් රඳවා තබා විමර්ශනය කෙරෙනු ඇති.
කෙසේ නමුත් මෙම පිරිස රඳවුම් නියෝග යටතේ රඳවා ගැනීම සිදු නොකළ යුතු බවට විශාල බලපෑමක් ජනාධිපතිවරයාට එල්ල වී තිබුණා.
විශේෂයෙන්ම යුරෝප සංගමය ඇතුලු ජාත්‍යන්තර සංවිධාන ගනනාවක් මේ සම්බන්ධයෙන් සිය විරෝධය පළ කර තිබුණා.. එහෙත් ඒ කිසිවක් නොතකා ආරක්ෂක ඇමැති ජනාධිපති රනිල් වික්‍රමසිංහ අදාල නිය්යොගවලට අත්සන් තැබීම සිදුකර තිබෙනවා.
