යම් කිසිවකු යම් කටයුත්තකට නිසි අවසරයකින් ගාලුමුවදොර පිටිය ගෙන තිබුණ ද එහි කිසිදු ඉදි කිරීමකට කිසිදු අවසරයක් නොදෙන බව නාගරික සංවර්ධන අධිකාරියේ අධ්‍යක්ෂ ජනරාල් ප්‍රසාද් රණවීර මහතා දිනමිණට පැවසීය.
යම් කරුණකට ගාලුමුවදොර පිටිය අවශ්‍ය නම් ඒ කුමන කටයුත්තකට ද, කුමක් සඳහා ද යන කරුණු සහිතව සම්පූර්ණ විස්තරයක් ඉදිරිපත් කළ යුතු අතර ගාලුමුවදොර පිටිය ගැනීමේදී ඒ සඳහා ගෙවීමක් නාගරික සංවර්ධන අධිකාරියට කළ යුතු බවද අධ්‍යක්ෂ ජනරාල්වරයා කියා සිටියේය.
ගාලුමුවදොර පිටිය යම් අවශ්‍යතාවක් සඳහා යොදා ගැනීමට අවශ්‍ය නම් බත්තරමුල්ල සෙත්සිරිපායේ පිහිටා ඇති නාගරික සංවර්ධන අධිකාරියේ ප්‍රධාන කාර්යාලයට පැමිණ ලබා ගත හැකිය.
නිසි අවසරයකින් තොරව ගාලුමුවදොර පිටිය යම් කරුණකට යොදා ගතහොත් ඒ සඳහා නීතිමය පියවර ගන්නා බවද අධ්‍යක්ෂ ජනරාල්වරයා කියා සිටියේය.
