රටට ඩොලර් ගෙන්වා ගැනීමට නුවරඑළියත් සැරසේ !

Published in පුවත්
Friday, 17 June 2022 12:10

නුවරඑළිය යනු සංචාරකයින්ගේ පාරාදීසයක් කිවොත් නිවැරදිය..දෙස් විදෙස් බොහෝ දෙනාගේ ආකර්ශනීයම තෝතැන්න නුවර එළියයි..

මෙය අප ශ්‍රී ලංකාවේ පුංචි එංගලන්තය යන නමින්ද විරුදාවලි ලබයි..එහි ඇති මනරම් දේශගුණයත් ,ස්වභාවික සුන්දරත්වයත් මෙරටට වැඩි වශයෙන් විශේෂ විනිමය ලබා දෙයි..

කෙසේ වෙතත් වර්තමානයේ අප රට මුහුණ දෙන මේ දැවැන්ත අර්බුදයට හොදම විසදුමක් වන්නේ විදේශිකයන් මෙරටට ගෙන්වා ගැනීමය..ඒ අනුව
විදෙස් සංචාරක අවධානය වැඩි වශයෙන් යොමු කරවා ගැනීම ඉලක්ක කර ගනිමින් නුවරඑළිය සංවර්ධන කටයුතු කඩිනම් කරන ලෙස නාගරික සංවර්ධන හා නිවාස අමාත්‍ය ප්‍රසන්න රණතුංග මහතා නාගරික සංවර්ධන අධිකාරියට උපදෙස් ලබා දී තිබෙයි..

"අනාගතය උදෙසා නුවරඑළිය සංවර්ධනය" යන තේමාව යටතේ මෙම සංවර්ධන ව්‍යාපෘති ක්‍රියාත්මක කිරීමට නියමිතයි. නුවරළිය පැරණි තුරඟ තරග පිටිය, ග්‍රෙගරි වැව ඇතුළු නුවරඑළියේ සංචාරක ආකර්ෂනීය ස්ථාන ආවරණය වන පරිදි එය ක්‍රියාත්මක කෙරේ.

නාගරික සංවර්ධන අධිකාරිය හා නුවරඑළිය නගර සභාව අතර ඊයේ පැවති සාකච්ඡාවක දී ඇමතිවරයා මෙම උපදෙස් ලබා දුන්නේය. සාකච්ඡාව නාගරික සංවර්ධන හා නිවාස අමාත්‍යාංශයේ දී පැවැත්විණ.

නුවරඑළිය මූලික කරගත් ග්‍රෙගරි වැව සංවර්ධනය, අදියර පහක් යටතේ සිදුකෙරේ. රථවාහන ගාල් කිරීමේ ස්ථාන සහ මෝටර් ධාවන පථ ඉදිකිරීමට ද මේ යටතේ සැලසුම් කර තිබේ. ග්‍රෙගරි වැව අසල උණුසුම් ජල තටාකයක් ද ඉදිකිරීම ද සැලසුම් කර ඇතැයි මෙහිදී අනාවරණය විය.

යෝජිත මෙම සංවර්ධන ව්‍යාපෘතිය යටතේ, "නුවරඑළිය පැරණි තුරග තරග පිටිය ප්‍රතිසංවර්ධනය කිරීමේ පළමු අදියර" ද ක්‍රියාත්මක කිරීමට නියමිතයි. ඒ යටතේ පැරණි තුරග තරග පිටිය ජාත්‍යන්තර ප්‍රමිතීන්ට අනුකූලව සංවර්ධනය කෙරේ. කේබල් කාර් ව්‍යාපෘතියක්, අශ්වරේස් මංතීරුවක්, සැණකෙළි සංකීර්ණයක්, අශ්වයින් ගාල් කර තැබීමට ස්ථානයක් සහ අවන්හල් ජාලයක් ද ඉදිකිරීමට අපේක්ෂිතයි.

නානුඔය නගරයේ සිට නුවරඑළිය නගරය දක්වා ඉදිකරන කේබල් කාර් ව්‍යාපෘතිය සංචාරකයන්ට නැවුම් අත්දැකීමක් ගෙන දෙනු ඇතැයි ඇමතිවරයා විශ්වාසය පළ කරයි. නුවරඑළිය පොළව මට්ටමට ඉහළ අහසේ සිට අවට ප්‍රදේශ නැරඹීමට අවස්ථාව ලබාදීමේ අරමුණින් මෙම කේබල් කාර් ව්‍යාපෘතිය ක්‍රියාත්මක කිරීමට නියමිතයි.

නුවරඑළිය සංවර්ධන ව්‍යාපෘතියත් සමඟ ම පූඩලුඔය, නානුඔය, ගිනිගත්හේන, වලපනේ, රිකිල්ලගස්කඩ, පුසසැල්ලාව සහ කිතුල්ගල යන නගර ද සංවර්ධනය කිරීමට තීරණය කර තිබේ.

යෝජිත මෙම සංවර්ධන ව්‍යාපෘති යටතේ මූලික සහ අත්‍යාවශ්‍ය යටිතල පහසුකම් සැපයීම ද සිදුකෙරේ. මෙයට අමතරව විදුලිය, තැපැල් සහ අදාල වෙනත් ක්ෂේත්‍ර සංවර්ධනය කිරීමත්, පරිසර හිතකාමි ගස් වර්ග සිටුවීමත් සිදුකරන බවද අමාත්‍යවරයා පෙන්වා දෙයි.

-මහේෂි

Leave a comment

Gossip

පවර්, විපක්ෂයේ ඉල්ලීම් තඹේකට මායිම් කරලා නෑ ! මහ මැතිවරණ ඉල්ලන්න පිස්සු දැයි අහලා

පවර්, විපක්ෂයේ ඉල්ලීම් තඹේකට මායිම් කරලා නෑ ! මහ මැතිවරණ ඉල්ලන්න පිස්සු දැයි අහලා

වත්මන් ජනාධිපතිවරයාට සහ ආණ්ඩුවට ජනමතයක් නොමැති බැවින් වහාම මහමැතිවරණයක් පැවැත්වීමට බලපෑම් කරන ලෙස වි...

ජාතික සභාව කඩිනමින් සක්‍රීය කරන්නැයි ජනපතිට ඉල්ලීම් රැසක්   

ජාතික සභාව කඩිනමින් සක්‍රීය කරන්නැයි ජනපතිට ඉල්ලීම් රැසක්  

ජනාධිපති රනිල් වික්‍රසිංහට රාජපක්ෂවරුන්ගෙන් සහ පොහොට්ටු කණ්ඩායමෙන් එල්ල වන බලපෑම් අවම කිරීම වෙනුවෙන්...

ගෝඨා නැවත දේශපාලනයට එනවාට රාජපක්ෂ පවුලෙන්ම විරොධයක්

ගෝඨා නැවත දේශපාලනයට එනවාට රාජපක්ෂ පවුලෙන්ම විරොධයක්

හිටපු ජනාධිපති ගෝඨාභය රාජපක්ෂව ජාතික ලැයිස්තුවෙන් මන්ත්‍රීධුරයක් ලබා දී අගමැති තනතුරට පත් කරගැනීමේ උ...

අද ඩෙඟා නටන්න හිටපු විපස්සෙට වෙච්ච දේ

අද ඩෙඟා නටන්න හිටපු විපස්සෙට වෙච්ච දේ

ඊයේ ජනාධිපති රනිල් වික්‍රමසිංහ අය වැය ඉදිරිපත් කිරීමන් පසුව අද දිනය වන විට විපක්ෂයේ දේශපාලන පක්ෂ ගනන...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us