ඒ අනුව ඔවුන්ට සාමාන්‍ය පාර්ලිමේන්තු මන්ත්‍රී වැටුප පමණක් හිමිවෙනු ඇති.
එසේම නව ඇමතිවරුන්ගේ අමාත්‍ය වරප්‍රසාද ද අඩුකිරීමට බලාපොරොත්තු වන බවත් අග්‍රාමාත්‍යවරයා ප්‍රකාශ කළේය.
අග්‍රාමාත්‍ය රනිල් වික්‍රමසිංහ මහතා මේ බව පැවසුවේ අද (19) පාර්ලිමේන්තුව අමතමිනි.
කැබිනට් අමාත්‍යවරුන්ට පමණක් නොව පාර්ලිමේන්තු මන්ත්‍රීවරුන්ට ලබා දෙන වරප්‍රසාද අහෝසි කළ යුතු බවට දැන් කාලයක් තිස්සෙ විශාල ඉල්ලීමක් සමාජය තුළින් පැන නැගී ඇත. මේ ඉල්ලීම් ප්‍රකාරව මන්ත්‍රීවරුන්ට ලබා දෙන වැඩි මනත් වරප්‍රසාද අහිමි කරන්නෙ නම්, එම කැප කිරීම රට වෙනුවෙන් කරන්නේ නම්, මේ දුෂ්කර මොහොතේදී රට වැසියාද රට වෙනුවෙන් කැප කිරීම් කරන්න දෙවරක් කල්පනා නොකරනු ඇත.
රජය කෙරෙහි පාලකයා කෙරෙහි විශ්වාසය තහවුරු කරමින් වැඩකටයුතු සිදුවේ නම් රට වැසියාගේ සහයෝගය කැප කිරීම රට වෙනුවෙන් ලබා ගැනීමට පාලකයාට නොහැකි වන්නේ නැත.
