ඒ අනුව එම වැඩිකිරීම හෙට (14) සිට ක්‍රියාත්මක වන බව රාජ්‍ය අමාත්‍ය ෂෙහාන් සේමසිංහ මහතා අද පැවති මාධ්‍ය හමුවකට එක්වෙමින් පැවසීය.

වැඩිදුරටත් අදහස් දැක්වු ඒ මහතා,

"මේ වනවිට සමෘද්ධි ප්‍රතිලාභීන් 1,7 67,000ක පවුල් ඒකක සංඛ්‍යාවක් ඉන්නවා. ඒ සමෘද්ධි ප්‍රතිලාභීන් සඳහා සියයට 28ක සමෘද්ධි දීමනාව වැඩිකිරීමට රජය තීන්දු කරා."

සමෘද්ධි දීමනා ලාභීන්ගේ ජීවන තත්වය කඩා නොවැටීම වෙනුවෙන් රජය ගත් මෙම පියවර මේ මොහොතේදී එම ජනතාවට විශාල සහනයක් වෙනු ඇත.
කොවිඩ් වසංගත තත්වය හමුවේ ඇතිව තිබෙන උද්ධමන තත්වයන් සහ සමෘද්ධි ලාභී පවුල් වල ආදායම් අහිමිවීම තුළ ඔවුන් මුහුණ දෙන ආර්ථික දුෂ්කරතා සම්බන්ධයෙන් සලකා බලා රජය මෙම පියවර ගැනීම ප්‍රශංසනීය තත්වයකි.

කොවිඩ් වසංගතය නිසා අඩු ආදායම් ලාභී පවුල් විශාල ආර්ථික පීඩාවකට පත්ව තිබූ අතර ඊට විසඳුම් වශයෙන් ලොක්ඩවුන් කාල සීමාවේදී රු 5000 බැගින් මාසික දීමනාවක් ලබා දීමටද රජය කටයුතු කර තිබිණි.