නියෝජ්‍ය නායක ධුරය සඳහා සජිත් ප්‍රේමදාස මහතාගේ නම එජාප නායක රනිල් වික්‍රමසිංහ මහතා විසින්ම යෝජනා කරනු ඇති බවද හෙතෙම කීය.

එම තනතුර සඳහා වෙනත් නම් යෝජනා කිරීම වැළැක්‌වීම සඳහා ප්‍රේමදාස මහතාගේ නම වික්‍රමසිංහ මහතා විසින්ම මීළඟට පැවැත්වෙන කෘත්‍යාධිකාරි මණ්‌ඩලවල රැස්‌වීමේදී යෝජනා කෙරෙන බව එජාප නායකත්ව මණ්‌ඩලය නියෝජනය කරන මෙම ජ්‍යෙෂ්ඨ මන්ත්‍රීවරයා සඳහන් කළේය.

පාක්‌ෂිකයන්ගේ හා විවිධ පාර්ශ්ව වෙතින් ලැබෙන දැඩි ඉල්ලීම සලකා බලා මෙම පත් කිරීම සිදු කෙරෙන බවද හෙතෙම වැඩිදුරටත් කීය.

මේ අතර පක්‌ෂයෙන් බැහැර කරන ලද ක්‍රියාකාරීන්, සාමාජිකයන් නැවතත් පක්‌ෂයට එක්‌කර ගැනීමට ද පක්‌ෂයේ අවධානය යොමුව තිබේ.

(දිවයින)