මෙලෙස වරෙන්තු නිකුත් කරනු ලැබුවේ රත්මලාන, දුම්රියපළ පාරේ පදිංචි වීරපු ගාල්ලගේ හෙමාල් ප්රියංකර හා ඔහුෙග් බිරිඳ හා අනෙක් ඇපකරුටය.
අපරාධ පරීක්ෂණ දෙපාර්තමේන්තුව අධිකරණයට දැනුම් දුන්නේ සොරාගත් භාණ්ඩ හා ඒවා ළඟ තබා ගැනීම ගැන පොලිස් පරීක්ෂණ අවසන් කර ඇති බවයි.
මෙම සැකකරු මන්ත්රීවරයාට නොයෙකුත් ආකාරයට අපහාස කර ඇති බව එහිදී මංගල සමරවීර මහතා වෙනුවෙන් පෙනී සිටි නීතිඥ දිලුක එම්. සිල්වා මහතා කියා සිටියේය.
මොහු අධිකරණය මඟ හරින බැවින් වහාම අත්අඩංගුවට ගෙන අධිකරණයට ඉදිරිපත් කරන්නැයි එහිදී මහේස්ත්රාත්වරයා අපරාධ පරීක්ෂණ දෙපාර්තමේන්තුවට නියෝගය කළේය.
රත්මලාන, දුම්රියපළ පාරේ තාවකාලික නිවසක සැකකරු පදිංචි වී සිටින බැවින් සැකකරු අත්අඩංගුවට ගැනීම දුෂ්කර වී ඇති බව එහිදී එම නිලධාරීන් කියා සිටි බව අප වාර්තාකරු පැවසීය.
නඩු විභාගය ඔක්තෝබර් 20දා දක්වා කල්දැමිණ.
එජාප මන්ත්රී මංගල සමරවීර මහතාගේ ගොරකානේ පිහිටි නිවසට 2013. 12. 30 වැනිදා අනවසරයෙන් ඇතුළු වී ලැප්ටොප් පරිගණයක් ඇතුළු භාණ්ඩ සොරා ගැනීම මත වරෙන්තු ලබා සිටින සැකකරු දෙවන වතාවටත් අධිකරණයට අද (18) නොපැමිණීම හේතුවෙන් සැකකරුට හා ඔහුගේ ඇපකරුවන් 2 දෙදෙනාට වරෙන්තු නිකුත් කිරීමට පානදුර ප්රධාන මහේස්ත්රාත් රුචිර වැලිවත්ත මහතා නියෝග කර තිබේ.
Leave a comment