එම ගිවිසුම සම්බන්ධයෙන් පසුගියදා දැඩි ආන්දෝලනයක් ඇති වූ අතර ,එය පාර්ලිමේන්තුවට ඉදිරිපත් කරන්නැයි විපක්ෂය ද ඉල්ලීමක් කළේය. විශේෂයෙන්ම මෙවැනි ගිවිසුමක් අතසන් කිරීමට පෙර ඒ සම්බන්ධයෙන් ඇමැති මණ්ඩලයේ හෝ අනුමැතිය ලබා ගතයුතු නමුත් එය ඇමති මණ්ඩලයට හෝ ඉදිරිපත් නොකර මධ්‍යම රාත්‍රියකදී හොර රහසේ අත්සත් කිරීම ගැන බරපතල චෝදනාවක් විපක්ෂයෙන් ඉදිරිපත් වූ අතර ආණ්ඩු පක්ෂයේ හවුල් කර පක්ෂ වලින්ද එම විරෝධය පළ විය.
ඒ අතර, එම ගිවිසුමට එරෙහිව ශ්‍රේෂ්ඨාධිකරණයට මූලික අයිතිවාසිකම් පෙත්සම් කිහිපයක් ඉදිරිපත් වී ඇති අතර, කැබිනට් තීරණයට එරෙහිව අධිකරණයට කරුණු කීමට කැබිනට් අමාත්‍යවරුන් වන විමල් වීරවංශ, උදය ගම්මන්පිල සහ වාසුදේව නානයක්කාර යන ඇමැතිවරු ද ඉදිරිපත් වී සිටිති .
මෙම ගිවිසුම අත්සන් කිරීමට අදාලව බලපෑ කරුණු සහ ගිවිසුමට එළඹීමේ නීතිමය රාමුව ද මුදල් ඇමැති බැසිල් රාජපක්ෂ විසින් අද කැබිනට් මණ්ඩලයට ඉදිරිපත් කෙරෙනු ඇතැයි වාර්තාවෙයි. මෙම ගිවිසුමේ කොන්දේසි ප්‍රකාරව එහි රහසිගත බව ආරක්ෂා කිරීමට අදාල අමරිකානු සමාගම සහ රජය එකඟ වී ඇති බවත් ආණ්ඩු පක්ෂයේ ඇතැම් ඇමැතිවරයකු විසින් පවසා තිබිණි.
