ඒ අනුව පහේ ශිෂ්‍යත්ව විභාගය ජනවාරි 22 වනදා පැවැත්වීමටයි තීරණය කර ඇත්තේ. උසස්පෙළ විභාගය පෙබරවාරි 7 වනදා සිට මාර්තු 5 වනදා දක්වාත් සාමාන්‍ය පෙළ විභාගය මැයි 23 වනදා සිට ජුනි පළමු වනදා දක්වාත් පැවැත්වීමට කැබිනට් මණ්ඩලයේ එකඟතාව හිමිව තිබෙනවා.
කොවිඩ් වසංගතය හමුවේ මාස 6කට පසුව පහ ශ්‍රේණියේ සිසුන් සඳහා පාසල් විවෘත කෙරුනේ පසුගිය 25 වනදායි. සාමාන්‍ය පෙළ සහ උසස්පෙළ සිසුන් සඳහා ලබන 8 වනදා පාසල් විවෘත කිරීමට නියමිතව තිබෙනවා. මේ අනුව විභාගවලට පෙනී සිටීමට නියමිත සිසුන්ට පාසල් විවෘත කිරීමෙන් අනතුරුව අධ්‍යයන කටයුතු සම්පූර්ණ කිරීම සඳහා ප්‍රමාණවත් කාලයක් ලබා දිය යුතු වනවා. එම කරුණු සැලකිල්ලට ගෙන මේ වසර සඳහා නියමිත විභාගයන් පැවැත්වීම පිණිස වන සංශෝධිත කාලසටහන් අමාත්‍ය මණ්ඩලය වෙත ඉදිරිපත් කිරීමට අධ්‍යාපන අමාත්‍ය දිනේෂ් ගුණවර්ධන මහතා කටයුතු කළා. ඒ අනුවයි අදාළ කාල සටහන් සඳහා අමාත්‍ය මණ්ඩල එකඟතාව පළ කෙරුණේ.
-පංචාලි අබේසේකර
