බූස්ටර් එන්නත ලෙස ෆයිසර් එන්නත ලබාදීමට සෞඛ්‍ය අංශ තීරණය කර ඇති බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා සඳහන් කළා. දෙවන මාත්‍රාව ලබාගෙන මාස හයකට පසු බූස්ටර් එන්නත ලබාදීම සිදු වනවා. කොරෝනා ආසාදිතයන් සමඟ ඉදිරි පෙළ ගැටෙන සෞඛ්‍ය සේවකයන් ආරක්ෂක අංශ සාමාජිකයන් , ගුවන්තොටුපොළ , වරාය හා සංචාරක කර්මාන්තයේ නිරත පිරිස් ආදිය සදහා බූස්ටර් එන්නත පළමුවෙන්ම ලබාදීම සිදු කරන බවයි වෛද්‍ය අසේල ගුණවර්ධන මහතා පැවසුවේ. ඉන් පසු වයස අවුරුදු 60 ට වැඩි පුද්ගලයන්ට ලබා දීමට නියමිතයි. ඊළඟ අදියරේ දී වයස අවුරුදු 30 ත් 60 ත් අතර පුද්ගලයන්ට සහ පසුව වයස අවුරුදු විස්සට වැඩි සියලු දෙනාට බූස්ටර් එන්නත ලබාදීම සිදු කෙරෙනවා.
-පංචාලි අබේසේකර
