මෙම විසඳුම බාර ගෙන සමස්ත දරු පරපුර වෙනුවෙන් තමන්ගේ යුතුකම් හා වගකීම් ඉ‍ටු කිරීමට නොපැකිලිව පියවර ගන්නා ලෙස සමස්ත ගුරු විදුහල් පති ප්‍රජාවගෙන ඉල්ලා සිටින බවද ඔහු අවධාරණය කරයි.
කොවිඩ් වසංගතය මැද මුහුණ පාන්නට සිදුවූ ආර්ථික දුෂ්කරතා මධ්‍යයයේ වසර විසි ගන්නක් පුරා නොවිසැදී පැවැති ගුරු විදුහල්පති වැ‍ටුප් ප්‍රශ්නයට මේ මොහොතේදී ලබා දිය හැකි සාධාරණම විසඳුම ලබා දී ඇති ඇති බවත් වසරක් කාලයක් තුළ මෙම ගැටලුව විසැඳෙන බැවින් ගුරුවරු සහ විදුහල්පතිවරු තමන්ගේ වගකීම නිසියාකාරව ඉ‍ටු කරනු ඇතැයි තමන් බලාපොරොත්තු වෙන බවත් ඔහු පවසයි.
මේ අතර රාජ්‍ය සේවා , පළාත් සභා සහ පළාත් පාලන අමාත්‍යංශ ලේකම් ජේ ජේ රත්නසිරි පවසන්නේ රාජ්‍ය සේවයට බඳවා ගත් උපාධිධාරී අතරින් අධ්‍යාපන අමාත්‍යංශයට අනුයුක්ත කළ 18,000 ක වන අභ්‍යාසලාභී උපාධිධාරීන් මෙම මස 21 වන දා අනිවාර්යෙන්ම සේවයට වාර්තා කළ යුතු බවය.
එහෙත් ගුරු විදුහල්පති වෘත්තීය සමිති සන්ධානය දැඩිව අවධාරණය කර සිටින්නේ රජය කවර උපක්‍රම තේරුවත් 21 වනදා වර්ජිත ගුරු විදුහල්පතිවරුන් සේවයට වාර්ථා නොකරන බවය.
අභ්‍යාසලාභීන් උපාධිධරයන් පාසල් වෙත කැඳවූවද තමන්ගේ සටන ජයග්‍රහණයෙන් තොරව අවසන් නොකරන බවත් එම වෘත්තීය සන්ධානය වෙනුවෙන් ලංකා ගුරු සංගමයේ ලේකම් ජෝසප් ස්ටාලීන් පවසයි.
-පංචාලි අබේසේකර
