යම්කිසි ගුරුවරයකුට බියවැද්දීමක් හෝ තර්ජනය කිරීමක් කිරීමට යම් අයෙක් හෝ කණ්ඩායමක් උත්සාහ කළහොත් තරාතිරම නොබලා නීතිය ක්‍රියාත්මක කරන බවද ඇමැතිවරයා කීවේය. ඇමැති සරත් විරසේකර මහතා මේ බව කියා සිටියේ මහරගම ජාතික තරුණ සේවා සභාවේ පැවැති ප්‍රජා පොලිස් කමිටු පිහිටුවීමේ අවස්ථාවට ඊයේ (14) එක් වෙමිනි
මේ වන විටත් කොවිඩ් හේතුවෙන් දරුවන්ගේ පාසල් අධ්‍යාපනය අඩපණ වී ඇති බවත් ගුරු වර්ජනය හේතුවෙන් මාර්ගගත අධ්‍යාපනයත් අඩපණ වී ඇති බවත් අවධාරණය කළ අමාත්‍යවරයා සිය කැමැත්තෙන් පාසල් පැමිණීමට බහුතරයක් ගුරුවරුන් කැමැත්ත පළ කර තිබෙන බවත්, ඔවුන්ගේ පැමිණීම කඩාකප්පල් කිරීමට ඇතැම් පිරිස් සූදානම් වන බවට තොරතුරු ලැබී ඇති බවත් කියා සිටියේය.
මේ අතර පාසල් එන ගුරුරුන්ගේ ආරක්ෂාවට දෙමාපිය කමිටු ගොඩනැගීමේ වැඩපිළිවෙලක් ක්‍රියාත්මක කිරීමේ උත්සාහයක් ගැන ද වාර්ථාවේ.
