මෙම වෘත්තීය සමිති ක්‍රියාමර්ග ගැන තීරණාත්මක සාකච්ජාවක් ඊයේ (12) දින අරලියගහ මන්දිරයේදී අගමැතිවරයාගේ ප්‍රධානත්වයෙන් පවතී අතර එහිදී යෝජනා වී තිබුණේ අදියර දෙකක් යටතේ ගුරු විදුහල්පතිවරු වෙත යෝජිත වැටුප ලබා දීමටයි.
ඒ අනුව පළමු අදියර 2022 ජනවාරි මාසයේදී සහ දෙවන 2023 ජනවාරි ක්‍රියාත්මක කිරීමට යෝජනා කර තිබේ.
ඒ අනුව ඊයේ දිනයේදී අගමැතිවරයා සහ ගුරු විදුහල්පති වෘත්තීය සමිති අතර පැවති සාකච්ජාව එකඟතාවකින් තොරව අවසන් වී තිබුණි.
අද දිනයේදී මාධ්‍ය හමුවක් පවත්වමින් මේ ගැන ගුරු විදුහල්පති සංධානය පැවසුවේ රජයේ යෝජනාව පිළිගත නොහැකි හෙයින් තවදුරටත් සිය වෘත්තීය සමිති ක්‍රියා මාර්ගය ඉදිරියට ගෙන යන බවයි.
මෙම අදහස් දැක්වූ ලංකා ගුරු සංගමයේ ලේකම් ජෝශප් ස්ටාලින් පැවසුවේ වෘත්තීය සමිති විසින් ඉල්ලා සිටින වැටුප් ලබා දීමට රජයට වැය වන්නේ රු.බිලියන 30ක් පමණක් වන අතර ඊට වඩා රජය මුදල් නාස්ති කරමින් සිටින බවයි.
ඒ අනුව තවදුරටත් මේ වෘත්තීය ක්‍රියාමර්ග ඉදිරියට නොයවමින් ඉල්ලීම් ලබා දෙන ලෙසයි රජයෙන් ඔහු ඉල්ලා සිටියේ.
මෙහිදී අදහස් දැක්වූ ලංකා ගුරු සේවා සංගමයේ ප්‍රධාන ලේකම් මහින්ද ජයසිංහ පැවසුවේ ගුරු විදුහල්පති ඉල්ලීම් ඉටු කිරීම තවදුරටත් කල්මැරීමෙන් සිදුවන්නේ 43 ලක්ෂයක් දරුවන් අගතියට පත්වීම බවයි.
එමෙන්ම එළඹෙන 21 වැනිදාට පාසල් විවෘත කිරීමට කටයුතු කරන්නේ නම් ඊට පෙර මෙම ප්‍රශ්නය විසඳන ලෙසද ඔහු කියා සිටියේය.
නැතහොත් 21 වැනිදා පාසල් විවෘත කළද ගුරුවරු පාසල් වෙත යනවාද නැද්දයන්න පිළිබඳ ඉදිරි දිනවලදී තීරණයක් ගන්න බවයි ඔහු සඳහන් කළේ.
