ශ්‍රී ලංකා මහ බැංකුවේ සය මාසික මාර්ග සැලැස්ම එළිදක්වමින් අද (01) මහ බැංකු අධිපතිවරයා මේ බව පවසයි .
සියයට සියයක ආන්තික මුදල් තැන්පතු අවශ්‍යතාව හේතුවෙන් බොහෝ පිරිසක් විවිධ දුෂ්කරතාවලට මුහුණ දුන් බවත් එය සලකා බලා අදාළ නියෝගය වහාම අත්හිටුවන බව අධිපතිවරයා සදහන් කර ඇත .
රට තුළ ප්‍රමාණවත් විදේශ විනිමයක් පවතින හෙයින් ඉදිරි මාස සඳහා අනවශ්‍ය ලෙස තොග රැස්කර ගැනීමෙන් වළකින ලෙසද මහ බැංකු අධිපතිවරයා මෙහිදී ප්‍රකාශ කර තිබේ .
කාණ්ඩ 11ක් යටතේ අත්‍යවශ්‍ය නොවන සහ හදිසි නොවන භාණ්ඩ 623ක් ආනයනය සීමා කිරීමේ අරමුණින් ශ්‍රී ලංකා මහ බැංකුව සැප්තැම්බර් මස 9 වැනිදා අදාළ සියයට සියයක ආන්තික මුදල් තැන්පතු අවශ්‍යතාව ක්‍රියාත්මක කරන ලදි.
-පංචාලි අබේසේකර
