මෙරටට පැමිණෙන නැව් වලින් බැහැර කෙරෙන දැවි තෙල් මිලදී ගැනීමේ ජාවාරම සම්බන්ධයෙන් මෙසේ විමර්ශන සිදු කිරීමට තීරණය කළ බවයි අමාත්‍ය මහින්ද අමරවීර මහතා සඳහන් කරන්නේ. දැවි තෙල් අපහරණය සඳහා මධ්‍යම පරිසර අධිකාරිය මේ වනවිට බලපත්‍ර විසි හතක් නිකුත් කර තිබෙනවා. එහෙත් ඉන් දැවි තෙල් පිරිපහදු කිරීමේ පහසුකම් ඇත්තේ ආයතන හතරකට පමණයි.
වසරකදී නැව් වලින් මෙරටට දැවි තෙල් ටොන් 20,000ත් 25,000ත් අතර ප්‍රමාණයක් බැහැර කෙරෙනවා. එහෙත් අපහරණ බලපත්‍ර ලබාගෙන ඇති ආයතනවලින් වසරකට පිරිපහදු කළ හැකි වන්නේ ටොන් 4800ක් පමණයි. ඉතිරි ටොන් 15,200කට අධික ප්‍රමාණයකට සිදු වන්නේ කුමක්දැයි පැහැදිලි නැති බැවින් විමර්ශන සිදු කිරීමටයි තීරණය කර ඇත්තේ.
-පංචාලි අබේසේකර
