පාසල් සිසුන්ට මාර්ගගත ක්‍රමය ඔස්සේ ඉගැන්වීම් සිදු කරන ගුරුවරුන්ට එම කටයුතුවලින් ඉවත්වන ලෙස කුමන ආකාරයකින් හෝ බලපෑම් හා තර්ජන කළහොත් එම පුද්ගලයින්ට එරෙහිව අපරාධ පරීක්ෂණ දෙපාර්තමේන්තුවට ඍජුව පැමිණිලි කළ හැකියි. එමෙන්ම 119 දුරකථන අංකයට ද මේ පිළිබද දැනුම් දිය හැකි අතර ළඟම ඇති පොලිස් ස්ථානයට පැමිණිලි කිරීමට ද හැකියාව පවතින බව පොලිස් මූලස්ථානය දැනුම් දෙනවා.
ලැබෙන පැමිණිලි සම්බන්ධයෙන් නොපමාව නිවැරදිව හා ඉතා තදින් නීතිය ක්‍රියාත්මක කරන ලෙසයි අමාත්‍ය සරත් වීරසේකර මහතා පොලිස්පතිවරයාට හා අපරාධ පරීක්ෂණ දෙපාර්තමේන්තුව භාර නියෝජ්‍ය පොලිස්පතිවරයාට උපදෙස් ලබාදී ඇත්තේ.
රජයේ නිලධාරීන්ගේ රාජකාරියට බාධා කිරීම හා තර්ජනය කිරීම වරදක් වන අතර එවැනි ක්‍රියා සිදුකරන පුද්ගලයින් කෙරෙහි පොලීසිය විශේෂ අවධානයක් යොමු කර තිබෙනවා.
-පංචාලි අබේසේකර
