අමාත්‍යංශය නිකුත් කළ නිවේදනයක දැක්වෙන්නේ ඔක්සිජන් අවශ්‍ය සෑම කොරෝනා රෝගියෙකුටම හිඟයකින් තොරව ඔක්සිජන් ලබා දීමට අවශ්‍ය සියලු ක්‍රියාමාර්ග ගන්නා ලෙස උපදෙස් දී ඇති බවයි.
ඔක්සිජන් නොමැතිව කිසිදු කොරෝනා රෝගියෙකුට මිය යාමට ඉඩ නොතැබිය යුතු බව ද අමාත්‍යවරයා අවධාරණය කළේ ය.
මෙරට දෛනික ඔක්සිජන් නිෂ්පාදනය ටොන් 80 ක් පමණ වන අතර මේ වනවිට එම තත්ත්වය ඉක්මවා ඔක්සිජන් අවශ්‍යතාව ඉහළ ගොස් ඇත.
ඒ හේතුවෙන් අතිරේක ඔක්සිජන් තොග ඉන්දියාව හා සිංගප්පූරුව වැනි රටවලින් ආනයනයට පියවර ගෙන ඇතැයි, සෞඛ්‍ය අමාත්‍යංශය සඳහන් කළේ ය.
-පංචාලි අබේසේකර
