අද දින කැබිනට් මණ්ඩලයේදී ගුරු විදුහල්පති වැටුප් විෂමතාවයට කඩිනම් විසඳුමක් ලැබුණේ නැතිනම් දින සියයක් දක්වා වුවත් අඛණ්ඩව මාර්ගගත (online) වර්ජනය ක්‍රියාත්මක කරන බව හෙතම අවධාරණය කරනවා.
මේ අතර ගුරුවරුන් හාරසියයකට කොවිඩ් 19 ආසාදනය වී ඇතැයි හා ගුරුවරුන් 25ක් කොවිඩ් හේතුවෙන් මියගිය බවට පැවසෙන කතා අසත්‍ය බව ලංකා ගුරු සංගමයේ ප්‍රධාන ලේකම් ජෝසෆ් ස්ටාලින් පවසනවා.
ගුරුවරුන්ට මඩ ගැසීමේ අරමුණින් රජය රාජ්‍ය මාධ්‍ය යොදාගෙන මේ පච ප්‍රචාරය කරන බව ඔහු පවසනවා. එමෙන්ම සමාජ මාධ්‍ය ඔස්සේ මිය ගිය ගුරුවරුන් යැයි පවසා මුදා හල ඡායාරූප විදෙස් රටවල ඡායා රූප බවද ඔහු අවධාරනය කරනවා.
ලංකාවේ එකදු ගුරුවරයකුට කොවිඩ් ආසදනය වී හෝ මිය ගොස් ඇති නම් නම් ගම් සමග හෙළිදරවු කරන ලෙසද ඔහු රජයට අභියෝග කරමින් කියා සිටින බවයි වාර්තා වෙන්නේ.
-පංචාලි අබේසේකර
