ඒ සම්බන්ධ යෝජනාව අග්‍රාමාත්‍ය මහින්ද රාජපක්ෂ මහතා කැබිනට් මණ්ඩලයට ඉදිරිපත් කර තිබූ අතර ඊට කැබිනට් අනුමැතිය හිමිවී ඇත.
පසුගියදා මෙම අරමුදලට සිය කැමැත්තෙන් වැටුප පරිත්‍යාග කිරීමට වෙළද අමාත්‍ය බන්දුල ගුණවර්ධන මහතා ඉදිරිපත් විය. එහි විශේෂත්වය වන්නේ රටෙහි පවතින මෙම වසංගතය තුරන්වන තෙක් අමාත්‍යවරයා සිය වැටුප මෙම අරමුදලට බැර කර සිටීමයි.
මේ අතර අද දිනයේ විපක්ෂ නායක සජිත් ප්‍රේමදාස මහතාගේ ප්‍රධානත්වයෙන් සමගි ජනබලවේගයේ මන්ත්‍රී කණ්ඩායම, කොරෝනා ව්‍යසනයෙන් පීඩිත ජනතාව මුදා ගන්නට රෝහල් උපකරණ ලබා ගැනීම උදෙසා සිය වැටුප පරිත්‍යාග කිරීමට තීරණය කර ඇති බවත් වාර්තා වේ.
-පංචාලි අබේසේකර
