සෞඛ්‍ය සේවා අධ්‍යක්ෂ ජනරාල්වරයා කරන ලද දැනුම්දීමකට අනුව අධිකරණ අමාත්‍යාංශය එම පියවර ගෙන තිබේ.
නිරෝධායනය නොකළ යම් පවුලක සාමාජිකයකු නිවසේ දී හෝ රෝහලේ දී මියගිය හොත් එම මෘත දේහය පශ්චාත් මරණ පැවැත්වීමට පෙර පී.සී.ආර්. පරීක්ෂණ සිදු කිරීම සඳහා රෝහල්වල මෘත ශරීරාගාරවල තැන්පත් කර තිබීම හේතුවෙන් ඒවායෙහි ඇතිවන තදබදය අවම කිරීමේ අරමුණින් අදාළ පියවර ගෙන තිබෙන බවත් පැවැසේ.
නමුත් යම් පුද්ගලයකු සැකකටයුතු අයුරින් මියගොස් තිබේ නම් හෝ සියදිවි නසාගෙන තිබේ නම් සුපුරුදු නීතිමය කටයුතු කරන බව අධිකරණ අමාත්‍යාංශය සඳහන් කරයි.
මේ වන විට ප්‍රකාශිත නිල දත්තවලට වඩා කොවිව් ශ්‍රී ලංකාව තුළ පැතිර ඇති බවට සාමාන්‍ය දැනුමෙන් පවා තේරුම ගත හැකිව තිබෙන අතර දිනකට විශාල මරණ සංඛ්‍යාවක්ද සිදු වෙමින් පවතී. එහෙත් නිරෝධායනයට යොමුනොවී හෝ තමන් වසංගතයට නිරාවරණ වී ඇති බව දැනගැනීමට පෙර නිවසේදී හෝ මහ මඟදී මරණයට පත්වන විශාල පිරිසක්ද සිටින බව හඳුනාගෙන තිබේ.
එහෙත් මෙම මළ සිරුරුද පීසීආර් පරීක්ෂණ මඟින් කොවිඩ් අසාදිත බව හඳුනාගැනීම මෙතෙක් කල් සිදු කෙරුණු අතර එම මරණද කොවිඩ් මරණ ලෙස ලැයිස්තු ගත විය. නව තීරණය නිසා එම මරණ කිසිවක් කොවිඩ් මරණ ලෙස ලැයිස්තු ගතවීමක් සිදුනොවී අවසන් කටයුතු සිදුවීමේ විශාල හැකියාවක් පවතී . ඒ අනුව සැබෑ ලෙසින්ම සිදුවන කොවිඩ් මරණ ගනන ඉදිරියේදී අඩු වෙනු ඇත.
