රට තුළ නිෂ්පාදනය කෙරෙන ඔක්සිජන් ඉදිරියේදී ප‍්‍රමාණවත් නොවිය හැකි බැවින් ඉන්දියාවෙන් හා සිංගප්පූරුවෙන් ඔක්සිජන් තොග ගෙන්වීමට අවශ්‍ය කටයුතු මේ වනවිට සූදානම් කර තිබෙන බව ද මෙතෙම පැවසීය. ඒ අනුව ඉදිරි සති දෙක තුළදී කොවිඞ් රෝගීන්ට ඔක්සිජන් අවශ්‍යතාව ඉහළ යනු ඇතැයි ද කී ඒ මහතා මෙරට තුළ කොවිඞ් ඩෙල්ටා ව්‍යාප්තිය ඉතා සීග‍්‍රයෙන් සිදුවන බව ද කීය. එම ව්‍යාප්තිය සම්බන්ධයෙන් විශේෂඥ වෛiවරුන්ගේ උපදෙස් අනුව කටයුතු කරන අතර ඔවුන්ගේ අදහස්වලට ක්‍ෂණික ප‍්‍රතිචාර දැක්වීමට පසුබට නොවන බව ද හෙතෙම සඳහන් කළේය.
ඔක්සිජන් මිලට ගන්න ප්රසම්පාදන ක්‍රම එපා - රනිල්
මේ අතර එන්නත් සහ ඔක්සිජන් මිලට ගැනීමේදී ප්රසම්පාදන ක්රමවලට ගොස් කාලය ගත නොකර හදිසි මිලදී ගැනීම් වශයෙන් ඒවා ලබා ගන්නා ලෙස එක්සත් ජාතික පක්ෂයේ පත්කළ මන්ත්‍රී රනිල් වික්‍රමසිංහ මහතා අගමැති මහින්ද රාජපක්ෂ මහතාගෙන් පාර්ලිමේන්තුවේදී ඉල්ලීමක් කළේය. ඒ වෙනුවෙන් අවශ්‍ය සහාය ලබාදෙන බවත් 'හදිසි කොවිඩ් ප්‍රතිකාර' නමින් වෙනම වැය ශීර්ෂයක් ඇති කිරීමට ඇති හැකියාව සම්බන්ධයෙන් සොයා බලන ලෙසත් එමගින් ප්රසම්පාදන ක්‍රියාවලියෙන් තොරව අවශ්‍ය මිලදී ගැනීම් සිදුකර පසුව ඒවා රාජ්‍ය ගිණුම් කාරක සභාව මගින් අනුමත කර ගතහැකි බවත් රනිල් වික්‍රමසිංහ මහතා සඳහන් කළේය.
ප්රසම්පාදන ක්රමවලට තමන්ද කැමති බවත් එසේ වුවද මේ මොහොතේදී ජීවිත බේරා ගැනීමේදී ගතවන්නේ මාස ගණන් නොව පැය ගණන් බැවින් කාලය ගත නොකර කඩිනමින් කටයුතු කිරීමේ අවශ්‍යතාව පවතින බවද හෙතෙම පැවසීය.
