එහිදී ඔහු වැඩිදුරටත් සඳහන් කළේ,
"මේ වෙනකොට රාජ්‍ය සේවයේ සිටිනවා අවුරුදු 18 සහ 30 අතර යම් පිරිසක් එන්නත ලබානොගත්. ඒ සියලු දෙනාට කඩිනමින් එන්නත් ලබා දෙනවා. ඒ වගේම රාජ්‍ය සේවයේ ආයතන ප්‍රධානියාගේ අභිමතය පරිදි රාජ්‍ය පරිපාලන ලේකම්වරයා නිර්දේශ කරන පරිදි සතියකට මුර දෙකකට සේවයට කැඳවනවා. සඳුදා, අඟහරුවාදා, බදාදා කියන දින 3 එක් කණ්ඩායමකටත් බ්‍රහස්පතින්දා, සිකුරාදා, සෙනසුරාදා තවත් කණ්ඩායමකටත් සේවය ලබාදෙන්න පුළුවන් ආකාරයකට නව ක්‍රමවේදයක් හඳුන්වාදෙන්න එකඟතාව පළවුණා. ඒ වගේම රජයේ සේවයේ ඉන්න ගැබිනි මව්වරුන්ට තමන්ගේ නිවසේ සිට සේවය ලබාදෙන්න පුළුවන් ආකාරයට අවශ්‍ය පහසුකම සපයන්නත් ඒ වෙනුවෙන් අදාළ චක්‍රලේකය නිකුත් කරන්නත් තීරණය වුණා. "
මේ අතර කොවිඩ් පැතිරීමෙහි වර්ධනයන් පෙන්නුම් කෙරෙන බැවින් යළි සංචරණ සීමා දැඩි කිරීම කෙරෙහි රජයේ අවධාණය යොමුව ඇති බව සෞඛ්‍ය අංශ ආරංචි මාර්ග පෙන්වා දෙයි.
