මේ අනුව එම තරුණියවත් හිටපු අමාත්යවරයාගේ නිවසට රැගෙන ගොස් අදාළ ස්ථාන හඳුනා ගැනීමට ප්රධාන පොලිස් පරීක්ෂිකා වරුනි බෝගහවත්ත ඇතුළු කණ්ඩායම ඊයේ (01 වැනිදා) පස්වරුවේ පියවර ගත්හ. දැනට විසිනම වැනි වියේ පසුවන මෙම මෙහෙකාර සේවිකාව ඩයගම පදිංචිකාරියක වන අතර ඇය වයස අවුරුදු දහනවයේ දී ඇමැති නිවසට පැමිණි පසු අතවරයට ලක් කර ඇත.
ඉෂිලිනි දැරිය මියයාමේ සිද්ධියෙන් පසුව ඇයව ඇමැති නිවසට රැගෙන ආ බ්රෝකර්වරයා විසින් තරුණියන් 11 දෙනකු මෙම නිවසට දී ඇතැයි හෙළිවිය. එයින් එක් තරුණියකව මීට පෙර අතවරයට ලක් කළ වරදට ඇමැති බිරියගේ සොහොයුරා ඉකුත් සතියේ අත්අඩංගුවට ගත්තේය.
ඔහු අතින් තමාටද අතවරයක් සිදු වූ බව ඊයේ (01 වැනිදා) කැලණියෙන් සොයාගත් එම කාන්තාව හෙළිකර ඇත.
ඇය දැනට කැලණියේ පදිංචි අතර ඇමැති නිවසේ මෙහෙකාර සේවයට පැමිණි අනෙක් දසදෙනාගේ ප්රකාශ හා තොරතුරු ඩයගමට ගිය පොලිස් කණ්ඩායම ලබාගෙන ඇත.
තමන්ට මෙහෙකාර සේවයේ දී ඇමැති බිරිය පහරදී ශාරීරික වධහිංසනවලට ලක්කළ බව එම දැරියන් නවදෙනකු හෙළි කර ඇත.
එම වධහිංසනයන් සිදු වූ බව කියන, රිෂාඩ් බදියුදීන් වෙළෙඳ ඇමැතිවරයාව සිටියදී භාවිත කළ නිල නිවසේ කාමර කිහිපයකට විමර්ශන නිලධාරීන් මුද්රා තබා ඇත. වත්මන් වෙළෙඳ අමාත්ය බන්දුල ගුණවර්ධන එම නිල නිවස භාවිත නොකරන බවද විමර්ශන නිලධාරීන් පවසයි.
