ඊට අදාළ චක්‍රලේඛය අද (30 වැනිදා) දින නිකුත් කිරීමට බලාපොරොත්තු වන බවත් කී ලේකම්වරයා පළාත් අතර සංචරණ සීමා පැවතිය ද සෑම නිලධාරියෙකුම අනිවාර්යෙන්ම එදින සිට සේවයට වාර්තා කළ යුතු බවත් ඒ සඳහා ආයතන මගින් ප්‍රවාහන පහසුකම් ලබා නොදෙන බවත් සදහන් කර ඇත.
රාජ්‍ය ආයතනවල කටයුතු සාමාන්‍ය ලෙස ආරම්භ කිරීමට හැකිවන්නේ කොවිඩ් එන්නත්කරණ ක්‍රියාවලිය ඉතා වේගවත්ව සිදු වූ බැවින් යැයිද ඔහු පවසා තිබේ.
කොවිඩ් වසංගතයත් සමග රාජ්‍ය ආයතනවලට අත්‍යවශ්‍ය අවම කාර්ය මණ්ඩලය පමණක් ගෙන්වා ගැනීමේ බලය ආයතන ප්‍රධානීන්ට පවරමින් පසුගිය මැයි මස 10 වැනිදා රාජ්‍ය පරිපාලන චක්‍රලේඛය නිකුත් කෙරිණි.
-පංචාලි අබේසේකර
